သူခိုး

                                 ( 1 )

“ လှမြင့်ထွန်းရာ ဒီအဆောင်မှာ ငါတို့ လေးယောက်ပဲနေတာ ။ မင်းပစ္စည်းတွေက ဘယ်လိုပျောက်ရတာတုန်း ”
“ ငါလည်းဘယ်သိမလဲ ကွ ။ သေတ္တာထဲသေချာသော့ခတ်သိမ်းထားတာပဲ ”
“ လှမိုး မင်းကရော ဘယ်လိုထင်တုန်း .... ပြောဦး ။ အကျင်စာရိတ္တနဲ့ပတ်သက်ပြီး
ငါတို့လည်း အထိပါးမခံနိုင်ဘူးကွာ ။မရှိရင်တောင်းစားမယ် ”
“လှမြင့်ထွန်း မင်းကဘာကိစ္စ ဆွဲကြိုးတွေ ဟမ်းချိမ်းတွေ လက်စွပ်တွေ မ၀တ်ဘဲသိမ်းထားရတာတုန်း ”
လှမိုးကလည်း ၀င်မေးတယ် ။
“ ဟိဟိ ... ငါကောင်မလေးက မ၀တ်ခိုင်းလို့ကွ ... တိမ်းထားတာ ”
လှမြင့်ထွန်းက မြို့သစ်သားဆိုတော့ သ နဲ့ တ နဲ့မကွဲဘူး ။
“မင်းကွာ .... ဒီမှာ ငါတို့ပဲနေတာ ။လေးယောက်မှာ သုံးယေက်က ရေနံချောင်းမှာ ကတည်းကတစ်ခန်းထဲ နေလာကြတဲ့ သူငယ်ချင်းတွေ ”
“ မင်းတို့တော့ မထင်ပါဘူးကွာ ....... ”
“ ဟေ့ရောင် .... မင်းတို့တော့ မထင်ဘူးမလုပ်နဲ့ ... အောင်ထွန်းရယ်၊ခြံစောင့် ကိုစန်းမြင့်ရယ် ဒီလူတွေပဲ ရှိတာကို ”
“အေး .... ငါလည်း မပြောတတ်တော့ပါဘူးကွာ ..... ဟူးးးးးးးးးးးးးး ”
မနက်ကင်တီးရောက်တော့ ကျွန်တော်တို့သူငယ်ချင်းတစ်စု စုပေါင်းတိုင်ပင်ကြပါတယ် ။
“ မခင်ဆွေသင်း  လှမြင့်ထွန်း ကိစ္စကို ဘယ်လိုထင်တုန်း .... ”
“ ဟဲ့ ငါကမိန်းကလေး .... ဘာကိုထင်ရမှာတုန်း ”
“ အယ် ... မဟုတ်ဖူး .... သူ့ပစ္စည်း ကိစ္စလေ .... ”
“နင်တို့ မညစ်ပတ်နဲ့နော် ... နင်တို့ယောကျာ်းလေးတွေ ဘမ်းစကား ငါသိတယ်။ နင်တို့ တချိန်လုံး ဒါပဲပြောနေတာ ငါမသိဘူးများ မှတ်နေလား ”
“ မဟုတ်ဖူးလေ .... အပျိုကြီးရဲ့ ...အခု လှမြင့်ထွန်းပစ္စည်းဆိုတာက ရွှေထည်ပစ္စည်းတွေပျောက်တာ”
“ အော် .... ပြောပြောကစောရောပေါ့ .... ငါမှာဖြင့်ရှက်ရှက်နဲ့နားထောင်နေရတာ .... ”
“ အပျိုကြီးကလည်း .... မပြောလိုက်ချင်ဘူး .... ဟင်း ”
“ နင်တို့ အဆောင်မှာ လူစုစုပေါင်း ၅ ယောက်ဆိုတော့ ..... ”
“ မဟုတ်ဖူးလေ .... ၅ ယောက်က ဟုတ်တယ် ... လှမြင့်ထွန်းတော့ ထည့်မတွက်နဲ့လေ ”
“ ငါက အပျိုကြီးဆိုတော့ ... ထည့်တွက်ရမယ် .....”
“အာ ... ဒီအပျိုကြီးကလည်းတစ်မှောက် .... ” လှမြင့်ထွန်း က ၀င်အာတော့ ....
“မဟုတ်ပါဘူး စေ့စေ့စပ်စပ် တွက်ရမယ်ပြောတာ။သူဖဲရိုက်တာ ဒီပစ္စည်းတွေ ရှုံးသွားတာ မဖြစ်နိုင်ဘူးလား ၊ အရက်သောက်ပြီး လမ်းဘေးမူးနေတုန်း ချွတ်အယူခံရတာရော မဖြစ်နိုင်ဘူးလား ၊ ကားကြီးဝန်းထဲက တည်းခိုခန်းသွားအဖော်ခေါ်အိပ်တော့ ကြက်မတွေ ဖြုတ်ယူသွားတာရော မဖြစ်နိုင်ဘူးလား ”
“တော်ပါတော့ ဆားပုလင်းခင်ဆွေသင်း ရယ် ..... ” လှမြင့်ထွန်း က ဆွေ့ဆွေ့ခုန်နေပြီ ။
“ ငါကသဘောပြောတာပါ ..... ”
အဲဒီအချိန်မှာပဲ ... ၀တုတ်အရုပ်မ ခင်မေချော ရောက်လာတယ် ။နန်းကြီးသုတ် ၂ပွဲ လ္ဖက်ရည် ၂ခွက် အရင်မှာပြီး
“ ဘာတွေ ဖြစ်နေကြတာလဲ .... ”
“ ဒီလို ... အရုပ်မရဲ့ ....................... ”
ဆိုပြီး လှမိုးက ဆက်ရှင်းပြနေတယ် ။မင်းတုန်းသားစကားဝဲတာကို ကြိုးပင်ကောက်သူ နာထူပါးထူ က ပြန်ပြန်မေးနေတော့ လှမိုးခမျာ .. ထွေးလုံးရစ်ပတ်နဲ့ရှင်းပြလို့ကို မပြီးတော့ဘူး .... ။
“ အင်း .... ဟုတ်တယ် သံသယစာရင်းမှာ လှမြင့်ထွန်းလည်းထည့် ငါတို့လည်းထည့် နင်တို့လည်းလိုက်ခဲ့ ..... ” လို့ ကျွန်တော်ကပြောတော့ အကုန်လန့်သွားတယ် ။
“ ဘယ်ကိုလိုက်ခဲ့ ရမှာလည်း ...... ” ခင်မေချောက ပါးလုပ်ပါးလောင်းနဲ့ ကြောက်လန့်တကြား
ဝင်မေးတယ် ။
“ ရဲစခန်းကို ”
“ အန် ... ငါတို့နဲ့ ဘာဆိုင်လို့ ရဲစခန်းလိုက်ရ မှာလည်း ... မိန်းကလေးနဲ့ ရဲစခန်းဘာမှ မဆိုင်ဘူး ”
မခင်ဆွေသင်းက အကြောက်အကန်ငြင်းတယ် ။
“ ဆိုင်ဆိုင် မဆိုင်ဆိုင်လိုက်ခဲ့ ကျနော်တို့ အဆောင်ကို ခင်ဗျားတို့လည်း လာတာပဲ ”
“အောင်မယ်တော် .... ရာရာစစ နင်တို့အဆောင်လာတာ ... ငါတို့ စက်ဘီးပေါ်ကတောင် မဆင်းဘူး ။
မလိုက်နိုင်ဘူး။နင်တို့ကိစ္စနင်တို့ရှင်း သွားမယ် ခင်မေချော ဘာကောင်တွေမှန်းမသိဘူး ။ ”
“ ဒီဝိုင်းလေးတော့ ရှင်းခဲ့ဦးနော် ... အပျိုဂျီး .... ”
“ ရှင်းမယ် .... ရှင်းမယ် .... နင်တို့နဲ့လည်း ဒီနေ့ကစပြီး ကင်းကင်းရှင်းရှင်းနေမယ် ”
“ ဟီးဟီး .... စတာပါ အပျိုဂျီးရယ် ..... ” ကျနောတို့် အပျိုဂျီးကို ပြန်ချော့ပြီး ထိုင်ခိုင်းရတယ် ... ။
“ အဲဒီအကြံ မဆိုးဘူးကွ ။ ရဲစခန်းမတိုင်ပါနဲ့ ဒါပေမယ့် တိုင်ခဲ့ပြီလို့ ရွှီးထားကြမယ် ဘယ်လိုလဲ ” လှမိုး ပြောတော့ ....
“ အေး ကောင်းပါတယ် ….. အဲဒီလိုပဲ လုပ်ကြတာပေါ့ ”
............................
ကဲ .... ဒီအဆောင်မှာ ကျွန်တော်တို့ (၅)ယောက်ပဲနေတယ် ၊ ခု လှမြင့်ထွန်း ပစ္စည်းပျောက်သွားပြီ
ဘယ်လိုလုပ်ကြမလဲ ... ရဲစခန်းတော့ တိုင်ချက်ဖွင့်ခဲ့ပြီ မနက်ဖြန် လာစစ်လိမ့်မယ် ယူတဲ့သူရှိရင်တော့ ပြန်ထားပေးကြဗျာ  ”
“ ဟ လှမြင့်ထွန်းရ …. ရဲစခန်းတိုင်ရင် အားလုံးနာမည်ပျက် အလုပ်ရှုပ်ကုန်တော့ မှာပဲ ….မင်းတို့ကွာ ငါမတိုင်ပင်ပဲ ဘာလို့ လျှောက်လုပ်ကြတာတုန်း ရဲတွေအကြောင်း မင်းတို့ ဘယ်လောက်သိလို့တုန်း ”
 “ သိတာပေါ့ ကိုမြင့်စန်းရယ် …. မတတ်နိုင်ဘူး ရိုးရိုးသားသား ကျောင်းလာတက်တာ အခုဆိုဘယ်လောက်ရှက်စရာကောင်းလဲ … မတတ်နိုင်ဘူးဗျာ … ဒီအမှုပေါ်ဖို့ပဲ အရေးကြီးတယ် ”     “ မင်းတို့လို ပြောကြေးဆို ငါလည်း အမှုဖွင့်မယ် ….. လှမိုး ”  “ ကဲ ဆိုစမ်းပါဦး .... ဦးစန်းမြင့် ခင်ဗျားက ဘာပျောက်ဖူးလို့ အမှုဖွင့်မှာလဲ ...... ”
“ငါ့ကန်ထဲက ငါးတွေ သရက်ပင်က သရက်သီးတွေ ပျောက်ပျောက်နေတယ်လေ ...... ”
 “ ခင်ဗျား ကန်ထဲကငါးတွေကို ရေထားလို့လား .... ” ကျွန်တော်လည်း ဘုဝင်ပြောလိုက်တော့ ...
“ ဟေ့ရောင် ဘာမှရေစရာမလိုဘူး ... မင်းတို့ သောကြာနေ့ဆို အရက်နဲ့မြည်းတာ ဘယ်ကငါးတွေလည်း သရက်ပင်က သရက်သီးတောင် အဆစ်ပါလိုက်သေးတယ် ....”
“ အာ ဒါကတော့ ခင်ဗျားသက်သက် ကျုပ်တို့သိက္ခါချတာပဲ .... ကျုပ်တို့ အရက်လည်း ကပ်သောက်သေးတယ် ”
“ဘာမှ သိက္ခါချတာ မဟုတ်ဖူးမင်းတို့အကြောင်းငါ အသိဆုံး။ဘူကောင်တွေက ဘယ်ကပိုက်ဆံနဲ့ ငါးဝယ်စားမလဲ ။ကန်ဘေးက ကန်စွန်းပင်တွေတောင် အလျှင်မီအောင် အညွှန့်မထွက်နိုင်တော့ဘူး ”
“အေးဗျာ ဖမ်းစားတယ်ဗျာ .... ခိုးစားတာ မဟုတ်ဖူး ။စားတဲ့အထဲ ခင်ဗျားလည်းပါတာပဲ ... အဲဒီအချိန်ကပြောပါလား ဘာခုမှလာပြောနေရတာလည်း ” လှမိုးက၀င်ပြောတော့
“မဟုတ်ပါဘူးကွ ... ငါက အားလုံးကိုစဉ်းစားလို့ ရအောင်ပြောထားတာ ” ဦးစန်းမြင့်က လေပြေလေးနဲ့
“ အင်း ခင်ဗျား က မသင်္ကာစာရင်းမှာ ပထမဦးစားပေးပဲ ။ ခင်ဗျား ကြက်မတွေ ခင်ဗျားအစောင့်တဲမှာ ခေါ်အိပ်တာ ကျုပ်မသိဘူးများ မှတ်နေသလား။နောက်ပြီး သုံးလုံးနဲ့ ခင်ဗျားကုန်နေတာ ကျနော်သိတယ် ”
“တော်ပါတော့ လှမိုးရယ် ... မင်းတို့က ငါကို အစောင့်ဆိုပြီး အထင်သေးတာလား .... မင်းတို့နဲ့ငါပေါင်းလာတာဘယ်လောက်ကြာနေပြီလဲ .....တော်ပါကွာ ”
“အကိုတို့ရယ် …. ကြည့်လည်းလုပ်ကြပါဦးဗျာ …. တော်ကြာ ကျော်မကောင်းကြားမကောင်း ဖြစ်ကုန်ပါဦးမယ် ။ ရဲစခန်းသွားတိုင်မှ အမှုမပေါ်ပဲ ကျောင်းမှာ အရှက်ကွဲနေပါဦးမယ် ”
“အေးပေါ့ .... ခုတော့ မတတ်နိုင်တော့ဘူး အောင်ထွန်း ။တိုင်ခဲ့ပြီးနေပြီ …. ဒါပေမယ့် ယူထားတဲ့သူ ဒီနေ့ အချိန်မီပြန်ထားပေါ့ကွာ ….”
………………………………………………………………
ဒီလိုနဲ့ ရဲနဲ့ချိန်းခြောက်တာလည်း မရခဲ့ပါဘူး ။ ရက်တွေသာကြာသွားတယ် ။ အမှုက ဘာမှဖြစ်မလာဘူး ။
“ ကဲ လှမြင့်ထွန်း မင်းကိစ္စဘယ်လိုရှင်းမလဲ ..... ”ကျနော်မေးလိုက်တော့
“ ငါလည်းဘယ်လိုမှ မကြံတတ်တော့ဘူးကွာ ... ထားလိုက်တော့ ”
“ထားလို့ ဘယ်ရမလဲကွ ... ဒါက ငါတို့သိက္ခါပိုင်းနဲ့ဆိုင်နေတာကို ..... ” လှမိုးက မခံချိမခံသာနဲ့ဝင်ပြောတယ် ။
“ဒါဆိုလည်း မင်းတို့ကြိုက်သလိုသာ လုပ်ပါကွာ ”
“ လှမိုး မင်းဘယ်သူ့ထင်လည်း ”
“ ဥစ္စာပျောက် ငရဲရောက်တော့ ဖြစ်တော့မှာပဲ။ငါကတော့ ကိုစန်းမြင့်လို့ပဲ သေချာထင်တယ်၊ဘာကြောင့်ဆို ကျန်တာက အချင်းချင်းတွေကွာ ။ မရှိအတူရှိအတူနေလာတာကြာပြီ ။နောက်ပြီး ဟော့ရမ်းဆိုသွမ်းနေတာတစ်ယောက်မှ  မရှိဘူး ။ ငါတို့အဆောင်မှာ အရက်သောက်ကြ တာကလွဲလို့ ဖဲတောင်မရိုက်ဘူး ”
“အေးကွ ... လှမြင့်ထွန်းရာ မင်းလည်းစဉ်းစားပါဦး။နေရာမှား ထားမိလား ။ ကြွက်တွေများချီသွားသလား ”
“သေချာပါတယ်ကွ ... သေတ္တာထဲမှာ အထုတ်နဲ့သေချာထုတ်ထားတာ။ဟီးဟီး ငါရည်းစားစာတွေတောင်ပါသွားသေးတယ် ”
“အေးပေါ့ကွာ တစ်နည်းပဲရှိတယ် ဒီနေ့ည ငါတို့ ဘုရားကု ကုကြည့်ကြတာပေါ့ ”
“ဘယ်လိုလုပ်မတုန်း ….  ဘိုဘိုရ ပြောပြပါဦး ”
“အေး ... အဲဒါ ညကြမှ သိမယ် ..... ”
.........................
“ ကဲ ဒီအဆောင်မှာနေတဲ့သူ (၅)ရောက်လုံး ဒီနေ့ သစ္စာရေသောက်မယ်။လှမြင့်ထွန်း ပစ္စည်းကိုမယူပါဘူးဆိုတာ ဘုရားမှာ တိုင်တည်ပြီး သစ္စာရေသောက်မယ် ။ယူထားတဲ့ သူများရှိရင် ပွင့်ပွင့်လင်းလင်း ပြောပါ ။ဘာမှ မလုပ်ဖူး ”
“ ကျနော်ကတော့ ဒီအဆောင်မှာ အငယ်ဆုံး အကိုတို့ ပြောတဲ့အတိုင်းလုပ်မယ် ဘာလုပ်လုပ် ဒီအမှုပေါ်ဖို့ အရေးကြီးတယ် ”
“ကဲ ဒါဆို ဘုရားစင်က ညောင်ရေအိုးယူလိုက် .... သစ္စါရေသောက်ကြမယ် ”
“ဟာ ... ဘိုဘို မင်းတို့ ဘုရားစင် ညောင်ရေအိုးက အဲဒီပန်းတွေထိုးပြီးကတည်းက မလဲတာ ခြောက်လလောက်ရှိပြီလေ .... ငါမှာ ရေသန့်ဗူးရှိပါတယ်ကွ ရေသန့်သောက်ရအောင်နော် ”
“ မရပါဘူး ... ဘာလဲ ကိုမြင့်စန်း ခင်ဗျား မသောက်ရဲဘူးမဟုတ်လား ”
“ မဟုတ်ဖူးဟေ့ကောင် .... ပိုးမွှားတွေပါပြီး ရောဂါဖြစ်မှာစိုးလို့ပြောတာ သောက်မယ် ..... ”
“ ကဲ ... စမယ် ... ကျွန်တော်တို့သည် လှမြင့်ထွန်း၏ ရွှေထည်ပစ္စည်းများအား အမှန်တကယ် မယူပါ။
ယူမိပါက အသေဆိုးနဲ့သေပါစေ။ ရေကန်ထဲကျ ငါးခူကိုက်ပြီးသေပါစေ ။EC,EPကျောင်းသား လက်တွေ့ လုပ်ရင်း မီးလာသခိုက် ဓာတ်လိုက်ပြီးသေပါစေ ။Civil ကျောင်းသား အုတ်ခဲထမ်းရင်း တိုက်ပြိုဆင်း သေခြင်းဆိုးနဲ့ သေပါစေ ”
“ ဟေ့ရောင် ဘိုဘို မင်းသစ္စါက လည်း ကျိန်စာတွေပါနေပါ့လား ... ငါတို့ကျောင်းသားတွေတော့ ဟုတ်ပါပြီ ... ဒီလူကြီးကိုမြင့်စန်း ကြတော့ရော ”
“လှမိုးကလည်းကွာသူလည်း ပါပါတယ် ... ငါးကန်ထဲကြပြီး သေလိမ့်မယ်ပေါ့ ”
“အေး မင်းတို့ကို ငါလူကြီးစကားပြောတော့မယ် .....ကွာ ဒီအဆောင်မှာ ကျောင်းသား မဟုတ်တာ ဆိုလို့ ငါတစ်ယောက်ပဲရှိတယ် ။ မင်းတို့ ငါကိုထင်လိမ့်မယ်။ တကယ်တော့ ဒီပစ္စည်းကို ငါတကယ်မခိုးဘူး ။ဒါပေမယ့် ဘယ်သူခိုးလည်းဆိုတာတော့ ငါလည်းမသိဘူး။ငါမသိပေမယ့် ငါ့ဆရာသမားတော့ သိလိမ့်မယ် ”
“နေပါဦး ကိုမြင့်စန်းရ ခင်ဗျားဆရာ ဘယ်သူတုန်း ။ကျနော်တို့ တစ်ခါမှလည်းမတွေ့ဘူးဖူး။ ”
“ဟီးဟီး … ငါမိန်းမရဖို့ ဓါတ်ရိုက်ဓါတ်ဆင်သွားလုပ်နေတဲ့ဗေဒင်ဆရာ။အခု ငါ့ကောင်မလေးနဲ့အဆင်ပြေနေပြီကွ။တကယ်မှန်တယ်…အဲဒီမှာ ယတြာသွားချေမယ်ကွာ ။ နောက်ပြီး တခါထဲ ပြောမယ်။ဒီအမှုပေါ်ရင် မင်းတို့လည်း ဒီကထွက်တော့ ငါလည်းမိန်းမယူတော့မယ် ”
“အန် … ဘာဆိုင်လို့တုန်းဗျ ။ ထားပါ ခင်ဗျားပဲ မိန်းမရပါစေဦး ”
“ အင်း ရမှာပါကွာ …. ရမှာပါ ….. ရမှာပါ  …. ငါ့ဆရာ ရှိပါတယ် ”
……………………………
“ ဟေ့ရောင် … ဘိုဘို အခုတလောအောင်ထွန်း အရက်တွေနေ့တိုင်းသောက်နေတယ်ကွာ ”
“အေးလေ …. ဘာပြုတုန်း သူ့အကြောင်းနဲ့ သူရှိမှာပေါ့ကွ ”
“ မဟုတ်ဘူး …. ငါ့ပယောဂါ ပါမှာစိုးလို့ .... ဒီကိစ္စကြောင့် စိတ်ညစ်ပြီး အဆောင်မကပ်ပဲ အရက်သောက်တာဖြစ်မှာစိုးလို့ ”
“အေးပါ … လှမြင့်ထွန်းရာ….. လာ မင်းနဲ့ငါ သွားမေးကြတာပေါ့”
“ ညီလေးအောင်ထွန်း … မင်းနေမကောင်းဘူးလား မင်းကျောင်းလည်းမတက်ဘူး ”
“ဟုတ်တယ် အကို … ကျွန်တော်နေမကောင်းဘူး၊စိတ်ထဲမှာလည်းလေးနေတယ် တစ်မျိုးကြီးပဲ ”
“….မင်းကိုအရင်လိုပဲ ပျော်ပျော်ရွှင်ရွှင် ငါတို့နဲ့ စလိုက်နောက်လိုက်ပဲ နေပါကွာ ဘာမှ ခေါင်းထဲ မထားနဲ့ ဒီကိစ္စကသူ့အလိုလို အဆင်ပြေသွားမှာပါ ။ စာမေးပွဲလည်းနီပြီဆိုတော့
ကျန်းမာရေး ဂရုစိုက်ပါ ညီရာ မင်းအရက်တွေလည်းနေ့တိုင်းသောက်နေတယ်ကြားတယ်  ”
“ ဟုတ်တယ် … ကျွန်တော်စိတ်နည်းနည်းညစ်နေတယ် … ကျွန်တော့် မွေးစားအမေ အိပ်ရာပေါ်လဲနေတာကြာပြီပြောတယ် ကျွန်တော့်မှာ အဖေအမေမရှိတော့ဘူး ၊အခုကျောင်းတက်နေရတာ သူထားပေးလို့ ”
“အေးပါကွာ ဒါတွေ ထားလိုက်ပါတော့ စာမေးပွဲကလည်းနီးပြီး ကြိုးစားကွာ ”
“ဟုတ်ကဲ့ပါ ”
……………………………………………………..
“ ကိုစန်းမြင့် ဘယ့်နှယ်လဲဗျ ။ခင်ဗျားမိန်းမရဖို့ ကိစ္စ ”
“ ဒီလိုပါပဲ ကြိုးစားတုန်း …. မိန်းမယူတာက လွယ်ပါတယ်ကွာ …. လုပ်ကြွေးဖို့က ခက်တယ်ကွ ”
“အာဗျာ …. ခင်ဗျားသူများသားသမီးလည်းယူသေး လုပ်တော့ကျွေးရမှာပေါ့ ”
“အင်း …. ငါရတဲ့ လခ တစ်လမှ သုံးထောင်၊ရွာက အမေနဲ့အဖေလည်းပို့ရသေးတယ်၊ဆိုတော့ စဉ်းစားရသပေါ့ကွာ။ ခုမင်းတို့ကို တလ ၅၀၀နဲ့ အဆောင်ထားတာတောင် သူဌေးကို ငါရွာက အမျိုးတွေပါလို့ ပြောထားလို့ ၂ထောင်လောက်ငါသုံးရသပေါ့ ။ ငါမိန်းမ မရတာစဉ်းစားနေရလို့ပါ အခုတော့ အဆင်ပြေမှာပါ ငါဆရာက ယတြာချေပေးထားပါတယ် ”
“ အင်း … ခင်ဗျား ခိုင်းထားတဲ့ ကိစ္စပြောပါဦးဗျ ….. အခြေအနေ ”
“ ငါဆရာကို …. ကန်တော့ပွဲကြေး ၃ထောင်ပေးလိုက်တယ် …. မင်းတို့ပစ္စည်းသေချာ ပြန်ရမှာပါကွာ ”
“ဘာ ကိုမြင့်စန်း … ကန်တော့ပွဲကြေး ၃ထောင်တောင်ပေးရတယ်။ပစ္စည်းလည်းပျောက်သေး ၃ထောင်လည်းပေးရဦးမယ် ဆိုတော့ မလွန်လွန်းဘူးလား ကျုပ်ကတော့ မပေးနိုင်ဘူး ”
လှမြင့်ထွန်းက မကျေမနပ်ဝင်ပြောတော့ ကိုစန်းမြင့်နဲ့ မတည့်တဲ့ လှမိုးကပိုဆိုးတော့တာပေါ့ ။
“ အဲဒါကြောင့် ခင်ဗျားကိုပြောတာ ကိုမြင့်စန်း ။ဘယ်နှယ်ဗျာ ၃ထောင်ဘယ်သူကပေးမလဲ ။ဒီထဲမှာ သူဌေးသားဆိုလို့ လှမြင့်ထွန်းတစ်ယောက်ပဲရှိတာ။လကုန်နေပြီ ကျုပ်တို့မှာ ပိုက်ဆံမရှိတော့ဘူး။ စားတာတောင် ခင်ဗျားကန်စွန်းရွက် အိုးကင်းပူတိုက်စားနေရတာ သိရဲ့သားနဲ့
ကျုပ်ဆီတော့ လာမတောင်းနဲ့မပေးနိုင်ဘူး။အမြီးကျက်အမြီးစားခေါင်းကျက်ခေါင်းစားလူ ”
“ ဟေ့ရောင် လှမိုး မင်းတို့ဆီကလည်း မတောင်းပါဘူး ။ဒီပစ္စည်းပြန်ရဖို့ အရေးကြီးတယ်။မင်းတို့ အဆောင်လခတွေ  တစ်ယောက်ကို ဒီလကစပြီး တစ်ထောင်ပေးရမယ်။အဲဒါနဲ့ဆရာ့ကို ပေးလိုက်မယ် သဘောတူလား ဘိုဘို …..”
“ ကျနော်ကတော့ သဘောတူပါတယ် …. အောင်ထွန်းက နေမကောင်းဘူး သူ့ခမျာ အိမ်ကလည်းပိုက်ဆံ မပို့နိုင်လို့ ဒုက္ခရောက်နေတယ်ဗျ ”
“အေးပေါ့ …. သူတော့ထားလိုက် …. ငါလည်း မင်းတို့ကိစ္စပြတ်မှ မိန်းမယူရမှာ ”
……………………………..
“ လှမြင့်ထွန်း ရေ မင်းကိစ္စမင်း ဆုံးဖြတ်တော့ကွာ … ငါတို့လည်း မင်းကြိုက်သလိုလုပ်တော့ ”
“ လှမိုးရာ …. မင်းတို့ကိုငါဘာပြောနေလို့လည်း၊ထားလိုက်တော့လို့ ပြောထားသားပဲ၊ ငါကောင်မလေးကလည်း ရွှေဆွဲတာမကြိုက်ဖူးကွ ဟဲဟဲ ”
“ထားလို့ ရမလားကွ … မင်းပစ္စည်းပျောက်တာ ဟို ဆားပုလင်းခင်ရွှေသင်းနဲ့ ကြို့ပင်ကောက်သူ လျှောက်ဖွတာနဲ့ တစ်ကျောင်းလုံးနီးပါးတောင် သိနေပြီ။ငါတို့ကို ဘယ်လိုထင်ကြမတုန်း ”
“ဘိုဘိုကလည်းကွာ …. ထားလိုက်ပါတော့ ဘယ်သူတွေ ဘယ်လိုထင်ထင် ငါမထင်ရင်ပြီးရော မဟုတ်လား ”
“ ဒါနဲ့ အောင်ထွန်းရော၊ ဂျုနီယာတွေ ဒီနေ့စာမေးပွဲ စဖြေရတယ် ဖြေနိုင်သလား မသိဘူး ”
“အေး … ဒီကောင်ပြန်မလာသေးဘူး …..လှမိုးရ …. ဒီကောင်လေးလည်းသူ့ရှေ့ရေး အတွက် စိတ်လေနေတယ် ” “အေးကွာ … ဘယ်တတ်နိုင်မလဲ …. လှမိုးရာ ”
ကျွန်တော်တို့ ဟိုရောက်ဒီရောက် ထိုင်စကားပြောနေချိန် …… ကိုမြင့်စန်းကြီး ကျွန်တော့် အခန်းရှေ့ပေါက်ချလာတယ် ။
“ဟေ့ကောင်တွေ …. မင်းတို့သုံးရောက်နာမည်နဲ့စာတစ်စောင်ရောက်လာတယ်ကွ … ဒီနေ့ ဘာကျွေးမလဲ ”
“ ဟိတ်လူကြီး …လာဘတ်မနေနဲ့ သုံးယောက်လုံးနာမည်နဲ့ ရောက်စရာ အကြောင်းမရှိဘူး ”
“အောင်မာ …. ဒီမှာစာ ….. တစ်ခုခုနဲ့တော့ ရွေးမှ ဖြစ်မှာပါ ”
“ကျနော်ကတော့ မရွေးဘူး …. ဘယ့်နှယ်ဗျာ … သုံးယောက်နာမည်ကြီးနဲ့ …. လှမိုး မင်းရွေးလိုက် ”
“ဘာလို့ ရွေးရမှာလည်း … ငါမှာ ဘာအကန့်မှ မရှိဘူး ဟေ့ရောင် …. တစ်ခါမှလည်းစာမလာဘူးဖူး။မင်းတို့သာ … လှမြင့်ထွန်း ရွေးလိုက် ”
“ ငါဆီက ပိုမလာသေး ငါ့ကောင်မလေးနဲ့ကနေ့တိုင်းတွေ့နေတာ မရွေးပါဘူး။ဒီလူကြီး လုပ်ရင် အပိုကိုကုန်တယ် ”
“ အယ် …. အပိုကုန်တယ်ဆိုလို့ ကိုမြင့်စန်း ခင်ဗျားဆရာဆီကယူလာပြီး ရိုက်စားမလုပ်နဲ့ ဟောစာတမ်းပဲနေမှာ ”
“ ရိုက်စားတော့ မလုပ်ဘူးကွ … ဆိုက္ကားသမား တစ်ယောက်လာပေးသွားတာ … ငါ့ဆရာဆီက ဖြစ်နိုင်တယ် …. ဖောက်လိုက်မယ်နော် ”
“ ဖောက် ” ကျနော်တို့ သုံးရောက်သား ခေါင်းညိမ့်လိုက်တော့ …..

သို့
အကိုတို့ ခင်ဗျ

                ကျနော့်ကိုခွင့်လွှတ်ကြပါ။ကျနော့်ဘ၀ကို အကိုတို့ သိပြီးဖြစ်ပါတယ် ။ကျနော့် မွေးစားအမေ ဆုံးသွားတာ ငါးလရှိပါပြီ ။ကျန်တဲ့သူတွေကလည်း ဆက်ပြီး မထောက်နိုင်ဘူးလို့ ပြောပါတယ် ။အဲဒီတော့ ကျနော်ကျောင်းတက်ရေးဟာ ခက်လာပါတယ် ။ခု ကျနော် အမ်း ကိုပြန်သွား ပါပြီ။ ကျနော် သေတ္တာတွေ အ၀တ်အစားတွေလည်း ထားခဲ့ပါတယ် ။
                 ကျနော့် ကို ခွင့်လွှတ်ကျဖို့ တောင်းပန်ပါတယ် ။ ကျနော်ကျောင်းဆက်တက်ချင်တဲ့
စိတ်နဲ့ ကိုလှမြင့်ထွန်းရဲ့ ရွှေထည်တွေကို ခိုးယူမိပါတယ် ။လက်စွပ်ကတော့ ရောင်းလိုက်ပြီး သောင်းရှစ်ထောင်ကိုကျနော် သုံးလိုက်မိပါတယ်။ပိုတဲ့ ပိုက်ဆံနဲ့ ကျန်တဲ့ရွှေထည်တွေကိုတော့ ဘုရားစဉ်ပေါ်မှာ တင်ထားခဲ့ပါတယ်။ကျနော့်ကိုအားလုံးခွင့်လွှတ်ကြ ပါလို့တောင်းပန်ပါတယ်။ ကျနော်ကျောင်းလည်းပြန်မတက်နိုင်တော့ပါဘူး။အခါအခွင့်သင့်ရင်တော့ ကိုလှမြင့်ထွန်းကို ကျနော် ပြန်ဆပ်နိုင်အောင်ကြိုးစားပါ့မယ်။

                                              ရိုသေစွာဖြင့်
                                               အောင်ထွန်း

ကျနော်တို့ ၄ယောက် ပါးစပ်အဟောင်းသားနဲ့ ဘာလုပ်ရတော့မလဲ ။
…………………………………………………
မပြည့်စုံတဲ့အခြေအနေမှာ အတွေးအကြံလေး တစ်ချက်မှားသွားလိုက်တာနဲ့ ဘ၀နဲ့ပေးဆပ်သွားရတဲ့ညီလေးရေ ။ကိုယ်တို့အားလုံး မင်းကိုအပြစ်မတင်ရက်ပါဘူးကွာ။ကိုယ်တို့ အားလုံး မင်းအကြောင်းကို စိတ်မကောင်းယုံကလွဲပြီး ဘာမှ စကားမစဖြစ်အောင် ဆို့အသွားခဲ့ကြပါပြီ ။ အမှတ်တရပါပဲ ညီလေးရေ …. ဒီအမှားမျိုးဘယ်တော့ မှနောက်ထပ်ထပ်မမှားစေကြောင်း ဆုတောင်းပေးလိုက်ပါတယ် ။
“ ဘိုဘို …. နင်တို့ သူခိုးဖမ်းတာ မိပြီဆို … ”
“ ခင်မေချော …. အဲဒါနင့်ဘယ်သူပြောလဲ …. ” ကျွန်တော်ဒေါသတကြီးပြောတော့ ….
“ လှ … လှ … မိုး ပြောတာ ”
“လှမိုး … မင်းကို ဒီအကြောင်း ဘယ်သူမှ မပြောပါနဲ့လို့ ပြောထားရဲ့သားနဲ့ ကွာ ”
“ ဟ …. မပြောလို့ ဖြစ်မလား။ မပြောရင် ငါတို့ သိက္ခါကျမှာပေါ့ ”
“ ကျကျကွာ … မပြောနဲ့ ”
“ ဘယ်လိုဖြစ်တာလည်း ဘိုဘိုရယ် …. သူခိုးဖမ်းချင်တုန်းကလည်းနင် … ခုတော့ မပြောနဲ့ဆိုတော့လည်းနင်ပဲ ”
“ဆားပုလင်း ခင်ဆွေသင်း …. နင်ဘာမှ ၀င်မဘာနဲ့ နင့်ပါးစပ်ပိတ်ထားစမ်း နောက်ငါ ဘယ်တော့ မှ သူခိုးမဖမ်းတော့ဘူး ”
………………….
ဒီကိစ္စတွေ ရှင်းသွားတော့ လှမြင့်ထွန်းက သောက်ကြာဝိုင်းတစ်ဝိုင်းစီစဉ်ပေးပါတယ် ။ ထုံးစံအတိုင်း ငါးခူးဟင်း ၊ကန်စွန်းပလိန်းနဲ့ Grand လေးထောင့် တစ်လုံးပေါ့ ။
“ ကိုမြင့်စန်း ခင်ဗျား ဆရာကတော်တော်စွမ်းသားဗျနှော ” လှမြင့်ထွန်းက နည်းနည်းမြောက်ပြောလိုက်တယ် ။
“ ဟာ စွမ်းပါပြီလား မောင်ရာ … အခုလ (၁၀)ရက်နေ့ ငါလည်းမိန်းမရတော့မယ် ။ဒါကြောင့် စိတ်တော့ မကောင်းဘူးကွာ မင်းတို့ လမကုန်ခင် အဆောင်ရှာလိုက်ပါတော့ ”
“ အာ ကိုမြင့်စန်းကြီးကလည်းဗျာ ကျနော်တို့ကို ဗွေမယူပါနဲ့ဗျာ။ခင်ဗျားကို ကျုပ်တို့က တမင်သက်သက်ဆွပေးရတာပါဗျ …. ဒါမှ မထင်ထားတဲ့သူကို ဂရုစိုက်လို့ ရမယ်မဟုတ်လား ”
“ဟေ့ကောင် ဘိုဘို မင်းနဲ့ လှမြင့်ထွန်းကို ဘာမှ မဖြစ်ပါဘူးကွာ ခက်တာက ဒီကောင်လှမိုး ငါဆိုဘယ်တော့ မှ အကောင်းမထင်ဘူး အဲဒီတော့ ……. ”
“ ဟာ ကျုပ်နဲ့ဘာဆိုင်တုန်းဗျ …. ကျုပ်လုပ်စရာရှိတာလုပ်တာ ခင်ဗျားကိုလည်းပြောစရာရှိတာ ကျုပ်စိတ်ထဲက အတိုင်းပြောတာပဲ ”
“ ဟုတ်ပါတယ် … ကိုစန်းမြင့်ရယ် ကျနော်ကြောင့် သူတို့ ဒုက္ခရောက်ရမဲ့ အဖြစ်မျိုး မလိုလားပါဘူး ”
“ မဟုတ်ပါဘူး လှမြင့်ထွန်းရာ ငါက မိန်းမငယ်ငယ်လေးယူရမှာ မင်းတို့နဲ့ ဘယ်လိုမှ မဖြစ်ပါဘူးကွာ … မဖြစ်ပါဘူး …. ”
“ ဘာဗျ ….. ခင်ဗျားမိန်းမကျုပ်တို့က ဘာလုပ်ရမှာလည်း ကျုပ်မသိဘူးများ မှတ်နေသလား မယားတရူးနေတဲ့ ခင်ဗျားကို ဗေဒင်ဆရာက သူ့တူမ တစ်ခုလပ်နဲ့ ပေးစားလိုက်တာများ … ဟေ့ရောင်တွေ မင်းတို့ နေချင်နေခဲ့ ။ လှမိုးတဲ့ တစ်မိုးထဲရှိတယ် …. ။မနက်ဖြန်ကစပြီ မနေဘူး ”
“ အေးကွာ…. ခုချိန် မင်းတို့နဲ့ခွဲရခါနီး ငါတစ်ခု ၀န်ခံစရာရှိတယ်ကွာ ”
“လာပြန်ပြီလား တစ်ယောက် …. ရှုပ်အောင်မလုပ်နဲ့နော် ကိုမြင့်စန်း ၊ဘာလဲ ခင်ဗျားနဲ့   အောင်ထွန်းနှစ်ယောက်ပေါင်းကြံတာလား ”
“ မဟုတ်ပါဘူး လှမိုးရာ၊အဲဒါမျိုးငါဘယ်တော့ မှ မလုပ်ဖူး။အခုဟာက မင်းတို့ ခိုးခိုးစားနေတဲ့ ကန်ထဲက ငါးတွေကို ငါဘာကြွေးတယ်ထင်တုန်း ”
“ ဖွဲနုလုံးတွေ ကြွေးနေတာ မြင်နေတာပဲဗျ ။နေပါဦး ဘာကြွေးလို့တုန်း ”
“ ခွေးသေကောင် ”
“ ဗျာ …. ဘာ …. ဟာကွာ ”
…………………………………………………..
                   ( 2 )

ဒီလိုနဲ့ ကျနော်တို့ (၃)ယောက် ခြေတိုအောင်လျှောက် အဆောင်ရှာမရတော့ အပျင်းပြေ ဘုရားကြီးပေါ်ကဆင်းပြီ လေယဉ်ကွင်းဘက် လျှောက်လာခဲ့ကြတယ် ။
 “လှမိုး ငါတို့ ဒီနေ့ညဟင်းမရှိတော့ဘူးနော် ”
“ မရှိလည်း ဘာအရေးလည်းကွာ ဟိုရှေ့မှာ ကန်စွန်းခင်း မင်းမမြင်ဘူးလား ”
“ဟာ … အဲဒါသူများစိုက်ထားတာလေကွာ ”
“ ရပါတယ်ကွာ … မြန်မာပြည်ပဲ သနားအောင်ပြောရင် လေယာဉ်တောင် အလကားစီးလို့ရပါတယ် လှမြင့်ထွန်း မင်းတောင်းကြည့်ကွာ ”
“ အာ ငါကစကားမပီဘူး …. ဘိုဘိုမင်းတောင်းကြည့် မင်းက ပြောတတ်ဆိုတတ်ပါတယ်ကွာ ”
“ အန် …. မင်းတို့ကလည်း တစ်ခုခုဆိုငါ့ပဲမြောက်ပေးနေ ……. ”
အဲဒီအချိန်မှာ အန်တီကြီး တစ်ယောက် ဘောက်ဆွဘောက်ဆွနဲ့ လျှောက်လာတယ် …. ။
“မင်းတို့ ဘာလုပ်မလို့လည်း … ဒီနားမှာ ယောင်ပေယောင်ပေနဲ့ ”
“ ဟုတ်ကဲ့ အန်တီ ကျနော်တို့ GTI ကျောင်းသားတွေပါ ခင်ဗျ ။အန်တီတို့ ကြက်ခြံကို စိတ်ဝင်စားလို့ လေ့လာနေကြတာပါ ။ ကျနော်တိုဘာလုပ်ပေးရမလဲ ခိုင်းစရာရှိရင်ခိုင်းပါ ကျနော်တို့က GTIတက်နေပေမယ့် စိုက်ပျိုးမွေးမြူရေး ၀ါသနာပါပါတယ်ခင်ဗျ ”
“အေးကွယ် … လေ့လာပါလေ့လာပါ ။မင်းတို့ လူငယ်တွေဆီက ဒီစကားကြားရတာ သိပ်ဝမ်းသာတယ်”
“ဟုတ်ကဲ့ ခင်ဗျ …. ဒါနဲ့ ကြက်ခြံတွေကလည်း အများကြီးနော် အန်တီ … ကန်စွန်းခင်းကြီးတွေကလည်း သန်နေလိုက်တာ … အန်တီတို့ ဘာဆေးတွေများသုံးထားသလဲ မသိဘူး ”
“ကြက်ကတော့ CPကြက်၊ဥစားကြက်တွေပေါ့ ၊ ကန်စွန်းခင်းကတော့ စိုက်ထားတာ မဟုတ်ဖူး လေယဉ်ကွင်းဘေးဆိုတော့ ဟိုလူသေးလာပေါက် ဒီလူသေးတာပေါက်နဲ့ သန်နေတာပါ ”
ကန်စွန်းရွက်တောင်းမလို့ စကားစလိုက်တာ တွန့်သွားတယ် ။ ဒါပေမယ့် ဟိုနှစ်ကောင်ကို မျက်စပစ်လိုက်တော့ ဘာမှ မဖြစ်ဖူး ဆက်တောင်းဆိုတဲ့ အထာနဲ့ ……….
“ ဟုတ် အန်တီ ….. ကန်စွန်းပင်မျိုးကူးချင်လို့ ကျနော်တို့ နည်းနည်းယူသွားလို့ ရမလား ခင်ဗျ ”
“ ယူသွားပါကွယ် ယူသွားပါ … ”
“ ဒါနဲ့စကားမစပ် ကြက်ဥအကွဲတွေ ရောင်းလား ခင်ဗျာ ….ကျနော်တို့ ကျောင်းမှာကြော်ငြာပေးမလို့ပါ ”
“ရောင်းတယ် … ညစောင့် အဖိုးကြီး မနက်မနက် ဈေးထဲသွားသွင်းနေကြ ။ အဲဒီလူကြီး အခုထိမလာလို့ ….. ”
“ဟုတ် …. ဒါဆို ကျနော်တို့ကို ၁၀၀ ဖိုးလောက်နမူနာရောင်းလိုက်ပါ့လား ခင်ဗျ …. ညဘက် ကျနော်တို့ လာစောင့်ပေးရမလား အန်တီ ”
“ အေး မင်းတို့ တကယ်လာနိုင်ပါ့မလား ”
“လာနိုင်ပါတယ် ခင်ဗျ ”
“ဒါဆိုမင်းတို့ကို ပွင့်ပွင့်လင်းလင်းပြောမယ် ။ ငါတို့မှာ ညစောင့်မရှိတာ (၃)ရက်ရှိပြီ ။အဘိုကြီး ရွာပြန်သွားတာပြန်မလာဘူး ။ ငါယောက်ျားနဲ့ တိုင်ပင်လိုက်ဦးမယ်။လာလာ အိမ်ထဲလိုက်ခဲ့ ”
“ မင်းတို့က ဘယ်ကလည်း ” အဲ … အန်တီကြီးယောက်ျားကမေးပါတယ် ။
“ ဟုတ် ကျနော်တို့ …. GTI ကျောင်းသားတွေပါ ခင်ဗျ ။ဦးလေးကို ပွင့်ပွင့်လင်းလင်းပြောပါမယ်။
ကျနော်တို အဆောင်ရှာနေတာပါ ။ကိုယ့်ဟာကို သီးသန့် လွတ်လွတ်လပ်လပ်နေချင်တော့ ရှာရတာခက်နေလို့ ဒီလကုန်ရင် အရင်အဆောင်က မငှားတော့ဘူးဆိုလို့ပါ ”
“ အေး မင်းအန်တီပြောတယ် ညစောင့်လုပ်ချင်တယ်ဆို ”
“ဟုတ် … ညစောင့်သက်သက်တော့ မဟုတ်ပါဘူး ခင်ဗျ …. ဦးလေးတို့ လွတ်နေတဲ့ ကြက်ခြံမှာ အစောင့်လုပ်ရင်း ကျနော်တို့ နေချင်လို့ပါ ”
“ အေး …. ကောင်းတယ် …. မင်းတို့ သုံးယောက်ပဲနော် …. တခြားအပိုလက်မခံဘူး ”
“ ဟုတ် … ကျေးဇူးတင်ပါတယ် ဦးလေး ”
ကျနော်တို့ မှာ သားရွှေအိုးထမ်းတဲ့ကိန်းပြန်ဆိုက်ခဲ့ရပါတယ် ။ဒီလိုနဲ့ အဆောင်လခပေးစရာမလို ကျယ်ကျယ်ဝန်းဝန်း ၊ ကန်စွန်းခင်း နဲ့ လေယဉ်ကွင်းဘေးက ကြက်ခြံကြီးတစ်ခြံ အစားပြန်ရလိုက်ပါတယ်။ လှမြင့်ထွန်းပြောတာတော့ လူမင်းဘုန်းကြီး နတ်မင်းမနေသာတဲ့ ။ ကျနော်တို့ (၃)ရောက်အတွက် သိကြားမင်း ခမျာ ဗန္ဓုကမ္ဗလာ ကျောက်ဖျာတောင် တင်းသွားဆိုပဲ။
ကျောင်းမှာလဲ ကြက်ဥအကွဲ ကိုယ်စားလှယ်တော်ကြီးတွေ ဆိုပြီး မျက်နှာပန်းပွင့်တာပေါ့ ။
“ ဟေ့ ဥမ္မာဦး …. ငါတို့ ကြက်ခြံကို ကြက်ဥအကွဲ လာဝယ်ဦးနှော …. ” ကျနော်က အကျယ်ကြီး အော်ပြောတော့ ဥမ္မာဦး ခင်မျာ လူတောထဲ မှာဆိုတော့ ရှက်တာပေါ့
“ ဟေ့ …. မသာကောင် … နင့်လိုများ ကြက်ခြံစောင့်ပြီး ကြက်ဥအကွဲစားတဲ့ ရုပ်များ မှတ်နေသလား”
“ အောင်မယ် ကြီးကြီးကျယ်ကျယ် မ၀ယ်နေပေါ့ ”
“ယဉ်ခိုင် နဲ့ နူလှိုင် …. နင်တို့ လာဝယ်ပါဟာနှော …. နင်တို့ အားပေးမှ ငါတို့ဆက်နေလို့ ရမှာမို့ပါ။ ကြက်ဥအကွဲ၁၀၀ ဖိုးလောက်နဲ့နင်တို့လို စစ်တွေ သူဌေးသမီးတွေ မွဲမသွားလောက်ပါဘူးဟနှော ”
ဒီလိုနဲ့ ကျောင်းသူကျောင်းသားတော်တော်များများ လာအားပေးကြပါတယ် ။
“ ကြက်ဥ …. ကအသားအရေကို ၀င်းဝါစိုပြေစေတယ်ဟ ….  ယဉ်ခိုင်နဲ့ နူလိုင်တို့ကိုကြည့်ပါ့လား ။ အသားအရည်ဘယ်လောက် လှလာသလဲ …. ” ဥမ္မာဦးကို မြင်လို့ ကျနော်တို့ တမင်စောင်းပြောနေကြ
တာပါ။ “ အေးပေါ့ … မခင်ဆွေသင်း ခင်ဗျားအသားအရည်လည်း နည်းနည်းထူးခြားလာသလားလို့ .. ” “ဟုတ်တယ်ဟ …. ကြက်ဥခွံနဲ့ မျက်နှာပေါ် ပေါင်းတင်ရတယ်လေ …. ကြက်ဥလည်းစားရ … အသားအရည်လည်း လှလာတာပေါ့ လှမိုးရ ” “ အင်း တချို့ အရုပ်ဆိုးအကျည်းတန်ရတာလဲ ကိုယ့်ကိုကိုယ် မပြင်တတ်မဆင်တတ်လို့ဗျ ” ကျနော်ဝင်ထောက်တော့ ဥမ္မာဦး ခမျာ မနေနိုင်မထိုင်နိုင်
“အောင်မာ …. ကြက်ဥအကောင်းတွေ ဈေးထဲမှာပေါလို့ … ပါးရိုက်ဝယ်လို့ရတယ် ”
  “အန်… နင့်ရုပ်ကဘာလုပ်လုပ် လှလာမယ့် ရုပ်မဟုတ်ဖူး နဂိုရှိမှ နဂိုင်းထွက်တာပါဟာ လုပ်မနေနဲ့။ ဂျပုမ နင်ကလည်း အကောင်းကလည်း ကွဲတာပါပဲဟာ … အကွဲကလည်းကောင်းတာပါပဲ …. ဒါဆိုနင့်စကပ်ဘာလို့ ဘေးခွဲထားလဲ ”  ဒီလိုနဲ့ ကျနော်တို့ ၃ယောက်  ကြက်များရဲ့ အကျိုးကျေးဇူးနဲ့ အနေအစားချောင်စွာ အဆင်ပြေချောမွေ့ခဲ့ နေခဲ့တဲ့ ဘ၀လေးကို သူခိုးက တဖန်ပြန်လည် ၀င်ရောက် မွှေနှောက်ခဲ့ပြန်ပါတယ် ။
  “ လှမိုး …. ညက ငါ့ပုဆိုးနဲ့ အင်ကျီတွေ ပျောက်သွားတယ် ”
“အာ …. မင်းကလည်း ပျောက်ပြန်ပလား ”
“အေး …. ပျောက်သွားတယ် ”
“ဟေ့ရောင်တွေ ….. ငါတို့ကို အစောင့်ရအောင်လို့ ဒီမှာထားတာ . .. အကျယ်ကြီးမပြောနဲ့ ”
“ မပြောလို့ ရမလားဟ …. မနေ့ကမှ ငါလျှော်ပြီးလှန်းထားတာ ဒီနေ့ အကုန်ပါသွားပြီ …. ၀တ်စရာ တစ်စုံမှ မကျန်တော့ဘူး ”
“ မင်းတော်တော်ပြဿနာရှာတဲ့ ကောင်ကွာ ၊ ရော့ ငါ ဟာတွေ ယူဝတ်ကွာ ၊ နောက်နေ့ မှ မင်းဟာမင်းပြန်ဝယ် ”
“ အေး …. ပြီးရော ”
 ………………….
“ ဘိုဘို …. ဘိုဘို … ဟေ့ရောင် ထစမ်းထစမ်း …… ငါစက်ဘီး မရှိတော့ဘူး ”
“ အာ ကွာ လှမိုးကလည်း …. တစ်ယောက်ယောက် ငှားသွားလို့ ဖြစ်မှာပေါ့ကွ ….လှမြင့်ထွန်း မေးကြည့်ဦး  ”
“ မေးပြီးပြီ …. သူမစီးဘူး ငှားလည်း မငှားလိုက်ဖူးတဲ့ ”
“ ကောင်းကွာ ….. ငါတို့လို ငမွဲခြံစောင့်တွေရဲ့ အဆောင်ကိုမှ ခိုးမှ ခိုးရက်တဲ့ သူခိုးရယ် …. ”
“ ငါတို့ … ဘယ်လိုလုပ်ကြမလဲ …. ” လှမြင့်ထွန်း က ပြောတော့
“ ဘယ်လိုမှ မလုပ်ဖူး ဟေ့ရောင် …… သူခိုးဆို ဘယ်တော့ မှ မဖမ်းတော့ဘူးလို့ ဆုံးဖြတ်ထားတာ ”
“ အေးပေါ့ မင်းက မင်းပစ္စည်းမှ မပါသေးပဲ နေနိုင်တာပေါ့ ”
“ မင်းတို့ ကကိုပေါ့ပေါ့ ဆဆထားတာကို ခိုးတာတောင်နည်းသေး ”
“ အဲဒီလို မပြောနဲ့မင်းကအောက်ထပ်မှာနေတာ ငါတို့က အပေါ်ထပ်မှာ … သူခိုးဝင်ခိုးရင် မင်းနဲ့ကနီးနီးလေး မင်းနိုးရမှာ ”
“ အေးကွာ …. ငါတို့ လည်းဘယ်ဘ၀က ၀ဋ်ကြွေးလည်းမသိပါဘူး။ငါသေချာ စောင့်ကြည့်ပါမယ်ကွာ ”
………………………..
ညတစ်ညတွင် ….. ၀တ္ထုစာအုပ် တစ်အုပ်ဖတ်ရင်း မိုးလင်းခါနီး နာရီက ၄နာရီ တီးသွားပေပြီ ။ စာဖတ်အပြီး ဘယ်ညာလူးလိမ့် အိပ်ခါ မှ ဗိုက်ကနာလာပါတော့တယ် ….. ။ အိမ်သာသည် ကျနော်တို့အဆောင်နှင့်တော်တော်လေးဝေးတော့ အပြေးသွားရင်း အိမ်သာတံခါး မပိတ်ပဲ ဒီအတိုင်းပဲ ဇိမ်နှင့်ထိုင်လိုက်မိပါတော့တယ် ။လ ကလည်းသာနေတော့ အိမ်သာအတွင်းကနေ လရောင်ကိုခံစားနေရင် ….. အဆောင်တံခါးရှေ့မှာ တရွေ့ရွေ့တိုးသွားတဲ့ မည်းမည်းရိပ်သဏ္ဍန်နှစ်ခု
ကြောင့် ကြက်သီးတွေ တဖြန်းဖြန်းထပြီး ကြောက်တဲ့စိတ်နဲ့ ငြိမ်ကုတ်နေမိတယ် ။ရသလောက် ဘုရားစာလည်းရွတ်ရင်းနဲ့ မသိမသာချောင်းကြည့်မိတယ် ….. ။မည်းမည်း အရိပ်နှစ်ခုက ပထမ …. တံခါးကို တွန်းဖွင့် ၀င်လိုက်တယ်။ အာ ဟုတ်ပြီ ….. သရဲတော့ မဖြစ်နိုင်တော့ဘူး။သရဲဆိုရင် … တံခါးဖွင့်ပြီး ၀င်မှာမဟုတ်ဖူး ။သူခိုးပဲနေမှာပါ ….စိတ်ကိုပြန်တင်းရတယ် ။ သူခိုးဆိုရင်လည်း အခုနေငါတစ်ယောက်ထဲ ထွက်အော်ရင် … သူတို့ မှာပါတဲ့ ဓားတွေ ဘာတွေနဲ့ ထိုးသွားရင် အခက်။
အမှောင်ထဲ မှာ ပြန်ပြီးငြိမ်ကုပ်နေမိတယ် ။ကိုယ့်အသက်ရှုသံတောင် သူတို့ကြားသွားမှာ ကြောက်နေမိတယ် ။အဲ …. ခဏနေတော့ ကျွန်တော် အ၀တ်အစားထုတ်တွေပိုက်ပြီး …. ကျွန်တော့်စားပွဲပေါ်က ကက်ဆက်အနီလေး တစ်ယောက်ကဆွဲ ထွက်လာပါလေရောဗျို့ ။ ကက်ဆက် …. ကက်ဆက် …. ကျတော့် ကက်ဆက်လေး …. ဘယ်လိုလုပ်ရမလဲ …..ကြေက်စိတ်ကို ထိုးဖောက်ပြီး …… ။ ရွာကိုလွမ်းတော့လည်း ဒီကက်ဆက်လေးနဲ့အမေကိုလွမ်းတော့လည်း ဒီကက်ဆက်လေး ဘာမသိညာမသိလွမ်းရတော့လည်း ဒီကက်ဆက်လေး ။သုံးနှစ်သုံးမိုး ကျနော်စိတ်ကို ဖျော်ဖြေပေးခဲ့တဲ့ဒီကက်ဆက်လေး …. GTI တက်စ အမေက နာရီနဲ့ ကက်ဆက် နင်တစ်ခုခုတော့ရွေး ငါဘာဝယ်ပေးခဲ့ရမလဲ တဲ့ ကျနော်ရွေးချယ်ခဲ့တဲ့ ဒီကက်ဆက်လေး ……..
အတွေး အဆုံးမှာ ပြုန်းဆိုထ
“ သူခိုးဗျို့ …. သူခိုး သူခိုး …… ” အဆောင်က ဟိုနှစ်ကောင်ပါ မက ဆည်မြောင်းဝန်းတစ်ခုလုံး
ကျနော့် အသံကိုကြားခဲ့ကြပါတယ် ။ သူခိုးပြေးလမ်းကြောင်းကို ပိတ်ဖမ်းထားတဲ့ ကျောင်းသားတွေက အ၀တ်ထုတ်နဲ့အတူ ကျနော်တို့ဆီကို လျှောက်လာကြတယ် ။
“ ရော့ …. ခင်ဗျားတို့ ပစ္စည်းတွေ ဒီမှာဗျ …… သူခိုးက ကောင်မလေးဗျ …. သူ့မောင်လေး တစ်ယောက်ပါတယ် ပြောတယ် အဲ ကောင်လေးကို ဆည်မြောင်း ဓမ္မာရုံ မှာ မိထားတယ် ”
“ ပြစမ်းပါဦးဗျ ….. မိန်းကလေးသူခိုး ” ဆိုပြီး လှမြင့်ထွန်းက ဆွဲကြည့်လိုက်တော့ မှ ……
ကောင်မလေး က အဖြူအစိမ်းဝတ် ကျောင်းသူလေးတစ်ယောက် ဖြစ်နေတယ် ။မေးစမ်းကြည့်တော့ ၈ တန်းကျောင်းသူလေး ၊ သူမောင်လေးက (၅)တန်းတဲ့ …. ကျနော်ကက်ဆက် အနီလေးက သူမောင်လေးဆီပါသွားပါပြီ ။ ကဲဗျာ ….. ကျနော်တို့ ဘယ်လို ဆုံးဖြတ်ရမတုန်း ။ လှမိုး …. လှမြင့်ထွန်း ….. ။ မင်းတို့အင်္ကျီ၊ မင်းတို့ စက်ဘီး လိုချင်သေးသလား ။ ငါ့ ကက်ဆက်လေးရော ငါပြန်မရတော့ ကော ဘာအရေးလည်းကွာ ။အားလုံးထားလိုက်ပါတော့ ထားလိုက်ကြပါတော့ဗျာ ။ ပျက်ယွင်းနေတဲ့ လူမှုဘ၀တွေကို ကျနော်တို့ ဘယ်လိုတည့်မတ်ပြုပြင်ကြရမလဲ ။
“ ကျနော်တို့ က ကျောင်းသားတွေပါဗျာ ….. ဘာမှနားမလည်ပါဘူး ။ ခင်ဗျားတို့ ကြည့်လုပ်လိုက်ကြပါတော့ ၊ ဒါပေမယ့် ….. ဒီကက်ဆက်လေးတော့ သူတို့ မောင်နှမ ကိုပေးဖြစ်အောင်ပေးလိုက်ကြပါဗျာ ”

နောက်နေ့ မနက်ကျ ကျောင်းမှာရော ၊ ဆည်မြောင်းဝန်းတစ်ခုလုံးမှာ သူခိုးဖမ်းပေးတဲ့ သူကြီး အဖြစ်နာမည်ကျော်သွားတာပေါ့ ။
“ ဟေ့ရောင် ….. မင်းဘယ်လိုစောင့်ဖမ်းလိုက်သလဲ ….. ”
“တော်စမ်းပါ လှမြင့်ထွန်းရာ နောက်ပြီး မင်းလျှောက်ဖွဦးမယ် ”
“ဒီ သူခိုးဖမ်းပွဲတွေက ငါတို့ အတွက် အရသာခံပြောဖို့ ကောင်းလို့လား ”
“ မဟုတ်ပါဘူးကွ ….. သိချင်တာက …. အဲဒီအချိန်မှာ မင်း … ဖင်ရေဆေး မိခဲ့သလားလို့ မေးမလို့ပါ ”
အေး ဟုတ်တာပေါ့ကွာ မင်းပြောသလို လူတွေက  သူများဘ၀ အညစ်အကြေးတွေသာ မြိန်ရေယှက်ရေ ပြောနေကြတာ ။ ကိုယ့်အညစ်အကြေးတွေကြ ရေဆေးမိခဲ့ကြသလား ။
“ ဟီးဟီး …. အဲဒါ သေချာ မမှတ်မိဘူးကွ ”
“ လဒ ….. ”
………………………….
အဲဒီနှစ်ပွဲဖမ်းပြီး ကျွန်တော်တို့ဟာ သူခိုးမဖမ်းတော့ပါဘူး ။ ဘာဖြစ်လို့လဲဆိုတော့ကာ ……..
နောက်ပိုင်းမှာ ကျွန်တော်တို့ ကိုယ်တိုင် သူခိုးဖြစ်သွားလို့ပါပဲ ။ကဲ ခင်ဗျား ဆက်နားထောင်ချင်သေးလား?
(သူခိုးဖမ်းခြင်း ကြက်ဥ ရောင်ခြင်းအား အမှတ်တရ အော်တိုရေးပေးခဲ့ကြသော သူငယ်ချင်းများအား အမှတ်တရ ။)

ဘိုဟန်
 Tuesday, July 31, 2012 at 5:19pm