၁။
ကလေးသုံးယောက်
အငယ်ကလေးက ငိုလို့(အကြီးလေး နှစ်ယောက်က ငိုမဲ့မဲ့နဲ့)
သူတို့သုံးယောက် မနက်လင်းကတည်းက
ခုညနေထိ ထမင်းမစားကြရသေးဘူး။
၂။
မီးဖိုပေါ်မှာ ဒန်အိုး
ဒန်အိုးထဲမှာ ရေတွေ(ရေတွေက အေးစက်လို့)
အေးစက်စက် ရေတွေထဲမှာ ကျောက်တုံးများ
မီးဖိုပေါ်က ညစာ
ဘယ်သောအခါမှာ နူးနပ်လာမှာမဟုတ်တဲ့ အကြောင်း ကလေးတွေမသိနိုင်။
၃။
သူတို့အမေ မီးယပ်ရောဂါသည်မ
ဒူးတွေခွေကျလို့
အရိုးတွေ ငေါထွက်
ပြူးအစ်ဖောင်းထွက်နေတဲ့ ( မမြင်နိုင်တော့တဲ့) မျက်လုံးအစုံက
အသက်ရှင်မှု့ကို နာနာကြည်းကြည်း ကြည့်လို့
ပုလင်းအလွတ်တွေ ဗလာဖြစ်ကာ ယိုင်လဲကျလို့။
၎။
“ဖေဖေ ပြန်လာတော့မှာ …”
အကြီးဆုံးကလေးက ငိုမဲ့မဲ့နဲ့ ချော့ရှာရဲ့
ကလေးပီပီ သူဖြစ်ချင်တာသာ ပြောရ
သူ့စကားကို သူ ဘယ်လိုလုပ်ပြီး ယုံကြည်ရမှန်း မသိဘူး
တကယ်ဆိုရင် . . . သူတို့အဖေ အိမ်ပြန်မလာခဲ့တာဟာ
လေပြင်းတွေကျလို့ သစ်ပင်တွေ လဲတဲ့နေ့ကတည်းက
ရက်ပေါင်း အတော်ကြာခဲ့ပါပြီလေ ။
နေမျိုး
Photos
ကိုယ့်ဒုက္ခတွေကို ပြန်စစ်ဖို့ ပျင်းတဲ့အခါ ၊ သူတစ်ပါး ဒုက္ခတွေကို ကွန်ပစ်ပြီး ကိုယ့်ခန္ဓာပေါ် တင်ယူလာပါတယ် ။ ခင်ဗျား ဒုက္ခ ၊ ကျွန်တော့် ဒုက္ခတွေဟာ ဘာမှ မဟုတ်ဘူးဆိုတာ တွေးမိတဲ့ အခါ ကျွန်တော်တို့ အတူရယ်မောကြရအောင်ပါ။ ကမ္ဘာကြီးက ဆလိုက်ထိုးပြတာ ခံစားကြည့်ကြရင်းပေါ့
No comments:
Post a Comment