လူဝင်စားတွေထိုင်တဲ့ကဖေး
ဂစ်တာတီးမယ်
ပန်းချီဆွဲမယ်
ကဗျာရေးမယ်
အောင်မြင်လာတဲ့တစ်နေ့ကျရင်ပြန်ပေးမယ်
ငါတို့ကို ငွေရင်စိုက်ထားစမ်းပါ
ဘဏ်တိုက်ကြီးတွေရယ်...။
ဆေးပေါ့လိပ် ပါးစပ်မှာချိတ်
စိတ်ကူးတွေတွင်းတူးကြ
ရေနံတွင်းဆယ်တွင်းမှာ
တစ်တွင်းလောက်ပဲသေချာပါသတဲ့
အရပ်ဆယ်မျက်နှာမှာ
လက်ဖက်ရည်တစ်ခွက်က ပိုကျိန်းသေကြ
ဟိုတုန်းက...ပါရီလို
ကဖေးတစ်ခုခုမှာ ဆုံချင်ကြ
လူသစ်ဓာတ်သစ်နဲ့
ဘ၀တွေ ဘ၀ပြီး ဘ၀ပြောင်းကြ...။
မွန်ခ်ျလား
မြို့မငြိမ်းလား
ဆီလ်ဗီယာပလောသ့်
အခုတင် အမည်ပြောင်းပြီး ထွက်သွားတယ်...။
အနုပညာဆိုတာ
ကျောသားရင်သားမခွဲခြားဘဲ
လူတောထဲ ပစ်ပယ်ခံဖို့
ငါတို့ ပြန်လာကြတာပေါ့ ။ ။
ဝင်းမြင့်
No comments:
Post a Comment