သစ္စာသစ်

ပလူပျံများ
တောင်ပံလက်လက် စက်ရဟက်သို့
ဖျတ်ဖျတ်လှည့်လူး မြူးထူးရွရွ
ဖူးမြနီယွန် ဖြူခြည်သွန်သော
မီးပြွန်ပူငွေ့ တိုးညှပ်ဝှေ့ ကြ
ကြွေရွေ့လျောလဲ လေကြောဆန်၍
ပျံသန်းကြသော ဥာဥ့်ပုံပြောသည့်
တောစံပယ်ပွင့်များပမာ။ ။

ရစ်လည်ရစ်လည်
ဇာချည်ကြောလျှင် ပန်းရွက်ဆင်တည့်
ငွေသင်တောင်ပံ ကျွတ်လွင့်ပျံမှ
သမံတလင်း မှုန်မှုန်ခင်းကြ
ခုန်ဆင်းကျန်ရစ် ပလူသစ်မှ
ပြောင်းဖြစ်ဘ၀ ပရွက်လှမူ
ရွရွပြေးကာ ရွာသစ်ရှာ၏။ ။

ရှေးကဆိုရိုး
ပိုးဖလံမျိုး မီးကိုတိုးသတဲ့
မောက်ဖြိုးရွှေတောင် မြိုက်လောင်ပူနွေး
မီးငွေ့ပေးမှ အသက်ရရှိ
ကျွန်မချစ်မြဲ သံသာဝဲမှ
ခွဲထွက်ချင်ဘူး တက်မက်ဦးမည်
စိန်ခြူးကြယ်တန်း
လခြမ်းလ၀ိုင်း ညတိုင်းမြင်ချင်
ရွှေစင်နေ၀န်း ဆည်းဆာကွန်းမှ
ပေါ်ယွန်းစေ့စေ့ နေ့တိုင်းတွေ့ချင်
ထွေးပွေ့လင်သား သမီး သား မြေး
စကားနှစ်သက် မိတ်ဆွေဖက်ဟု
မက်မောဘ၀ တစ်ခဏလဲ
အလှရှာဖွေ အဖြေတွေ့သော်
မွေ့လျော်ငြိတွယ် သေမျိုးနွယ်လဲ
ရယ်ရွှင်ဝံ့စား ငါလူသားဟု
တရားထွန်းသစ် သတ္တိဖြစ်၏ ။ ။

ကြည်အေး
( ရှုမဝမဂ္ဂဇင်း ၊ မတ် ၊ ၁၉၇၁)