** ကျွန်တော်နဲ့သူက သူငယ်ချင်းမဟုတ်ပါဘူး .... သူနဲ့ ကျွန်တော်က သူငယ်ချင်းပါ ..................... ** ဘိုဟန်

လူတစ်ယောက်နဲ့လမ်းမှာတွေ့တယ် ..... ။

“ ဟာ ... ဟေ့ .... တမင်းစားပြီးပြီလား ?
  အိမ်မပြန်သေးဘူးလား ?
  ငါ့ညီလေးတောင် မင်းကိုမေးနေသေးတယ်
  အားရင် အိမ်လိုက်လည်ပါဦးလား ?
  ခါတိုင်းလိုပဲ အမေ့လက်ရာ ပဲကုလားဟင်း
  အ၀စားပြီးမှ ပြန်ပေါ့ ဟုတ်လား ၊ ညအိပ်လည်းရပါတယ်
  အမေက အရင်လို ဗျစ်တောက်ဗျစ်တောက် မလုပ်တော့ပါဘူးကွာ
  လာပါ အိမ်လိုက်ခဲ့ပါဦး ”

သူက ကျွန်တော်လက်ကိုဆွဲပြီး ရယ်မောပျော်ရွှင်နေ အိမ်တွေ တစ်အိမ်ပြီး တစ်အိမ် .........၊
စိတ်လွတ် ကိုယ်လွတ် ပျော်ပါးနေတဲ့ လမ်းတွေ တစ်လမ်းပြီး တစ်လမ်း .............
ဖြတ် ပြီးမှ မည်းမှောင် နေတဲ့ ထိုးထိုးထောင်ထောင်တွေ ဟိုတစ်စ ဒီတစ်စ နဲ့ တိတ်ဆိတ် လင်းချင်းနေတဲ့
ကွင်းပြင် တစ်ခု ရှေ့ အရောက် မှာတော့ ........

“ ညီလေးရေ .... အမေရေ .... ဒီမှာ ည အိပ်လို့ ရပါတယ်ကွ ...
  ငါ့တို့အိမ်က အရင်လို ညစ်ပတ်မနေတော့ပါဘူး ...
  ကြမ်းပိုးလည်း အရင်လို မကိုက်တော့ပါဘူး ....
  အမေရေ .... ညီလေးရေ .......
  ထမင်းစား ပြီးမှ ပြန်ကွ နှော ....
  ညီလေးရေ ... လာပါဦးဟ .....
  အမေရေ .... တံခါးဖွင့်ပါဦးဗျ ...... ”

ကျွန်တော် သိလိုက်ပါပြီ ။ ဒီလူ လူမှားနေတာ မဟုတ်ဘူး ။
သူအော်ခေါ်နေတာ .... တံခါးမရှိ ဓားမရှိ .... မီးလောင်နေတဲ့ တစပြင်ကြီး ။

“ လာပါ အကိုရာ ကျွန်တော်တို့ လွတ်လပ်လပ် အပြင်မှာ ပဲ ညစာသွားကြ
တာပေါ့ ”

ကျွန်တော်က သူလက်ကို ဆွဲပြီး မီးလောင်တစပြင်က ခွာလာခဲ့ကြ တစ်နေရာပြီး တစ်နေရာ ......... ။

ကျွန်တော်တို့ဟာ ဒီမီးပွားတွေကိုတော့ သယ်မလာခဲ့ကြတော့ဘူး ။

ဘိုဟန်
29.3.2013