ကမ္ဘာကြီးပေါ်က
ဘုရားသခင် ပြန်ကြွသွားတဲ့အခါ
သေတ္တာတစ်လုံး မေ့ကျန်ခဲ့တယ်။
သေတ္တာထဲ ခပ်ညံ့ညံ့ ပြက်လုံးတစ်ခုက ငြိမ်ကုတ်လို့
ပြက်လုံးက အရေအတွက် လျော့နေတဲ့ ဖဲထုပ်တစ်ထုပ်ကို သပ်သပ်ရပ်ရပ် ဆုပ်ကိုင်လို့
ဖဲထုပ်က ကလိန်ကကျစ်ဆန်သော တတိယကမ္ဘာစစ်ကို နွေးထွေးဈေးပျစ်စွာ ဝှက်သိမ်းလို့။
အခုထိ
လူပီသဖို့ ကြိုးစားနေတဲ့ လူတစ်ယောက်ပေါ်မှာ ခပ်ညံ့ညံ့အရေပြားက ငြိမ်ကုတ်လို့
အရေပြားက သူ့ရဲ့ ညစ်ညမ်း ပေရေနေတဲ့ ဘဏ်စာရင်းတွေကို သပ်သပ်ရပ်ရပ် ဆုပ်ကိုင်လို့။
ဘဏ်စာရင်းတွေက စာရင်းပျောက်နေတဲ့ သော့တစ်ချောင်းကို နွေးထွေး စေးပျစ်စွာ ဝှက်သိမ်းလို့။
သေတ္တာက
ပင်လယ်နက်ထဲ လျှို့ဝှက်ချက်တွေထဲမှာပဲမို့
ခုထိ
ပြက်လုံးကိုလည်း ဘယ်သူမှ မရယ်ကြရသေးဘူး
ဖဲထုပ်ကိုလည်း ဘယ်သူမှ မကစားကြရသေးဘူး
တတိယကမ္ဘာစစ်ကိုလည်း ဘယ်သူမှ မကြေညာရဲသေးဘူး။ ။
နိုင်မွန်အောင်သွင်
အောက်တိုဘာ ၂၀၀၅
No comments:
Post a Comment