ခေတ်ဒဏ်မှာ ကျွတ်ကျန်ခဲ့ ခုံဖိနပ်လေးတစ်ရံ

ဒီဇာတ်လမ်းမှာ ဘ၀တွေကို ကံဇာတ်ဆရာက ရိုးရိုးလေး သတ်ပြလိုက်ပါတယ် ။
ဒါပေမယ့် ဒီအဖြစ်မျိုးတွေ
တစ်နေ့တစ်မျိုးနဲ့ မရိုးအောင် ကပြ
စနစ်တစ်ခုရဲ့ သားကောင် ဘ၀တွေ
ကျေးလက်အမှောင်ရဲ့ နွမ်းပါးခြင်းမှာ
ရိုးပြတ်ငုတ်စူး သေမထူးနေမထူးဘ၀ထက်
ပညာတတ်မှ လူရာဝင်
ခေတ်ကြီးကိုက တစ်ခုပေးမှ တစ်ခုရ ...........
ညိုမြ ၊  ညိုလှတို့ ဇာတ်လမ်းဒီကစခဲ့ပါတယ် ။


ညိုမြ နဲ့ ညိုလှ ဆိုတာ ညီမနှစ်ယောက်
ညိုမြက ခြောက်တန်း နဲ့ ကျောင်းပြီး လိုက်ရတယ်
ညိုလှ ရဲ့ အဖြူအစိမ်းလေး တစ်စုံအတွက် ညိုမ ဘ၀ပုံအပ်လိုက်ရတယ်ဆို မမှားဘူး
တောမရောက်တောင်မရောက် ညိုမြ အကြီးမဟာ ကောက်စိုက် ပျိုးနုတ်လောက်နဲ့
မိသားစုဘ၀ အူမစို ၀မ်းမ၀ ခါးမလှဘူးဆိုတာ ညိုမြသိတာပေါ့
အဲဒီတော့.....
ရန်ကုန်မှာ အိမ်ဖော်လုပ်တစ်လ ၁သောင်း
မန္တလေး စားသောက်ဆိုင် မီးဖိုချောင်မှာ တစ်လကို ၈ထောင်
နယ်စပ်တက်ရင် မူဆယ်ဘက်မှာ တစ်လ ၃သောင်း

ဆိုတော့ .....
မူဆယ် ညဈေး မိုးလင်းထမင်းဆိုင်လေး မှာ ပန်းကန်ဆေးရင်း  အိုကေ စိုပြေပေါ့ .....
ရွာမှာ ကျန်ခဲ့တဲ့ အဖေအမေနဲ့ညီမ တစ်ဖက်တစ်လမ်းကတော့ ထောက်အကူရပြီ
ဒါပေမယ့် ကြာလာတော့ ညိုမြတစ်ယောက်
လမ်းသလားနေတဲ့ ညမွှေးပန်းကလေးများကိုကြည့်ပြီး ပင်ပန်းတတ်လာပြီ
ပန်းကန်ဆေးတဲ့ ညိုမြလက်တွေဟာ ရေ၀ဲစွဲတဲ့ ဒဏ်ကိုမခံနိုင်တော့ဘူး
အပျိုလေး ဖြစ်တဲ့ ညိုမြ ပန်းကန်ဆေးတဲ့ ညိုမြဘ၀ကို ရှက်တတ်လာပြီ ။
အဲဒီတော့ ..... အဲဒီတော့ .....
ပိုက်ဆံလည်းပိုရ ... အေးအေးလူလူလည်း နေလို့ရတဲ့
ကာရာအိုကေ ဆိုင်မှာ တစ်နေကုန်ထိုင်တော့တယ်
ကာရာအိုကေ ဆိုတာ အခုခေတ်လို KTV တော့ မဟုတ်သေးဘူးပေါ့
ဒါပေမယ့် ညိုမြဟာ အကိုတွေ ၊မောင်တွေတော့ ခေါ်တတ်ခဲ့ပါတယ်
ရွာက ညိုလှ ဆယ်တန်းကို ဘာသာစုံကျုရှင်တက်ဖို့အရေး တွေးမပူရတော့ဘူး
ယိုင်နဲနေတဲ့ အိမ်လေးကိုပြင်ပေးခဲ့တော့  ညိုမြကျေးဇူး အထူးကြီးလှ အောက့်မေ့နေကြတာပေါ့ ။

အော် .... ညိုမြ ... ညိုမြ .......

လောဘကလည်း တက်ပ ... အလှအပဆိုတာလည်းမက်ပ ...
ဆေးဆိုးပန်းရိုက် နှုတ်ခမ်းနီ ဘေးခွဲစကပ် ဒေါက်ဖိနပ်နဲ့ ကလက်တတ်လာပြီ
အသုံးစရိတ်ကတက် ငွေရှာရတာလည်းခက် ၊ အိမ်ကိုလည်းငွေဖြတ်လိုက်ရ ။
အရင်လို အကိုမောင်တွေလည်း
ပါးစပ်သာပါ လက်မလာတဲ့ ညိုမြဆိုရင် ချဉ်ချင်း မတပ်
ကြာလာတော့ ကာရာအိုကေ ကလည်းမကိုက် ပိုင်ရှင်လည်း မကြိုက်တော့ ဘ၀ပြောင်း
အနှိပ်ခန်းကို ညောင်းခဲ့ရသတဲ့ .........
လွှတ်လှတဲ့ ဘ၀ ၊ ညိုမြအတွက်တော့ အံကျပဲ
ပခုံးပေါ်မှာ ကျိုးတစ်ချောင်းအင်္ကျီဆင်လိုက်တယ်
ဂျင်းပန်င်ဇီးရိုးကွားတား နဲ့ အချစ်ရေ ၊ ယောက်ျားရေနဲ့ ပုရိသတွေကို ဈေးခေါ်
ဆက်ရှင်ကြေး တစ်နာရီ ငါးရာကို ညိုမြမမက်ရှာတော့ပါဘူး
ကိုကိုရေ ဒီည ဧည့်သည်မရှိဘူးကွာဆိုရင် ဟော ... တစ်ယောက်ရောက်လာပြီး
ညလုံးပေါက် မိုးလင်း အပျင်းလည်းပျောက် အိပ်ကပ်ထဲတော့ တစ်နေ့ လေးငါးသောင်းကတော့ အသာ
အထာလေးတွေနဲ့ ကလူ၏သို့ မြူ၏သို့ ...  ညိုမြဟာ ညိုမြလုပ်တတ်လာပါပြီ
ဘီယာလောက်တော့ အပျော့ ၊ ၀မ်းပက်တူးပက်နဲ့ အပြင်း ဆွဲ ... ကစ် ဒါမှ ညိုမြဘ၀ သစ်သွားဆိုပဲ
မိဘတွေ ကတော့ “ မြသုခ ” ဆိုတာ ဆေးအရောင်းဆိုင်လိုလို “ စတိုး ” ဆိုင်လိုလို
တကယ်က “ မြသုခ ” ဆိုတာ မာဆတ် တစ်ခုရဲ့ နာမည်
အိမ်က သိတာကတော့ လိမ္မာလိုက်တဲ့သမီး တော်လိုက်တဲ့သမီး အချီးကျုးခံခဲ့ရ
မချီးကျူးပဲ ဘယ်နေမလဲ ငွေလိုရင်ငွေ ၊ ရွှေလိုရင်ရွှေ ၊ ပေါ်စက် အောက်စက်နဲ့ ဆိုလာပြား ညိုလှတစ်ယောက်လည်းတက္ကသိုလ်ရောက်သွားခဲ့ပါပြီ ။

     ညိုမြ ..... ညိုမြ .... ညိုမြဘ၀လည်း ....

နဂိုထက်အတန်းတွေတိုးပြီး ... စီးကရက်ကို လက်ကြားညှပ်
မြင်းလည်းစီးတတ်ခဲ့ပါပြီ ။ ရွှေလည်းသောက်တတ်ခဲ့ပါပြီ
ဘ၀တူလူတန်းစား အထီးအမ ဟာ ညိုမြဘ၀မှာ မရှိတော့ပါဘူး
ရှပ်ကီလေးဖဲ့တဲ့အခါရှိသလို ၊ မြင်းလေး တစ်ကောင်နှစ်ကောင်ကနေ
တစ်နေ့ ၁၀ လုံးလောက်မှ မသုံးရရင် ယင်းထလာပြီ။ဆေးဖိုးရှိရင် အလုပ်မလုပ်
တကုပ်ကုပ်နဲ့ ရေသန့်အခွံကိုဖောက်အအေးပိုက်တန်းလန်း ခဲဖတ်ပေါ်မှာ
ရာမတင် အားမရှိတဲ့ မီးခြစ်က မီးတောက်လေးနဲ့ ဖီလ်းခံမယ်။

သူ့ အခန်းကျဉ်ကျဉ်းလေးထဲမှာတော့
သူသုံးနေတဲ့ မီးတောက်လေးတစ်ခု(သို့မဟုတ်) ယောကျာ်းလေးတစ်ဦးစ နှစ်ဦးစ ..............။

ရွာနာမည် ညိုမြကနေ ကြာညိုဖြစ်လိုက် ပြာသို ၊ ခွာညို ၊နှင်းဆီ ၊ ကြည်ပြာ
မင်းနာမည်တွေစုံလာသလို မင်းတူးလိုက်တဲ့သိုက်တွေ တစ်မြို့ပြီးတစ်မြို့
ကျယ်ခေါင်မှာ ခွာညို ၊ ရွှေလီမှာ ပြာသိုလ် အဖြစ်ဘ၀အသစ်ပြန်စ
ညိုမြဘ၀ဟာ အရေခွံပြောင်းပြန်လန်သွားရပါပြီ။

နင့်အစား မောလိုက်တာ ညိုမြရယ် ဇောကပ်နေတာလား အကြောမပြတ်တာလား
အေးအေးလူလူနေချင်ပြန်တော့ နင့်ကိုနင် ခေါင်းပေါ်ရွက် ဈေးထွက်ပစ်လိုက်တယ်
ယွမ် ၃သောင်း တဲ့ ၁သောင်းကို နင်သုံး ၂သောင်းကို အိမ်ပို့ အပျော်လုံးဆို့နေတဲ့ နင့်မျက်နှာ
နင့်အဖေ၊နင့်အမေနဲ့ ညိုလှ တစ်ရွာလုံးကို ဘယ်လို ဘာသာပြန်ပြရမလဲ ညိုမြရယ်
ရေသစ်မြေသစ် ဘ၀သစ်မှာ အဆင်ပြေကံကောင်းစေကြောင်း ဆုတောင်းပေးလိုက်ပါတယ် ... ညိုမြရယ်။

ဘာ ! ... ညိုမြ .... နင်အဖြစ်ကို  ပြန်ပြောပြစမ်း
အသက် ၅၀ လယ်သမားကြီးနဲ့ လက်ထပ်ခဲ့ရတယ်ဟုတ်လား
မနက်စာ မန်ထိုတစ်လုံး နေ့လယ်စာ ဆန်ရေလုံပြုတ်နဲ့ လယ်ပဲလုပ်ရတယ် ... ဟုတ်လား
နင်ကို ယူခဲ့တာက တစ်သားမွေးပေးရမယ်ဆိုတဲ့ ကတိစကားနဲ့ အခုနင့် ရင်သွေးကို ထားခဲ့ရပြီပေါ့
ဟုတ်စ ....
တရုတ်ပြည်အ၀င် နန်းတော်ပေါက်ကြီးက လှလိုက်တာ
ကျယ်ခေါင် ရွှေလီနဲ့ ကမ္ဘာသိတဲ့ မြို့ကြီးတွေက လှလိုက်တာ ညိုမြရယ်
နင်ပြောပြမှ  တရုတ်ပြည်ကြီး မှာ ဒီလို ရွာတွေတကယ်ရှိသေးသလား
အိမ်သာမရှိတဲ့ရွာတွေ ၊ စာမတတ်တဲ့လယ်သမားတွေ တကယ်ရှိသေးတာပဲလား
နင်ရောက်ခဲ့တဲ့ရွာဟာ တို့ရွာတွေထက် ဆိုးတယ် ဟုတ်လား ...
ဘာပဲဖြစ်ဖြစ် ညိုမြရယ်
နင်အဲဒီမှာ ကိုယ့်လင် ကိုယ့်သားနဲ့ အေးအေးချမ်းချမ်းနေပါတော့လားကွယ်
ဘာ ! ညိုမြ နင့်သား မွေးပြီး နင့်ဘ၀ကို နင့်လင်က  နောက်တစ်ယောက်နဲ့ ပြန်စခိုင်းတယ်
ဘုရား ဘုရား .... ဆိုးလှချည်လားကွယ် ဒါနဲ့ပဲ နင့်သားကိုထား
နင်ပြန်လှည့်လာတာ နင့်အမှားမဟုတ်ပါဘူးကွယ် .... နင်မမှားပါဘူး
နင်ဘယ်နှစ်ယောက်မွေးမွေး နင့်ကလေး နင့်ရင်သွေး ကိုထားခဲ့ရဦးမှာပါ ညိုမြရယ် ။

ညိုမြရေ ....
ငါတို့ မှာလည်း ကိုယ်အရိုးကိုယ်သယ်ဖို့တောင် အနိုင်နိုင် နင့်ကိုမဖေးမနိုင်တာ ခွင့်လွှတ်ပါ
နင်လမ်းနင်လျှောက် နင့်ဘ၀ကိုနင်ကိုယ်တိုင်ပဲဖောက်ပေါ့ ....  ဆိုတော့ .....
ညိုမြ အတွေ့အကြုံအရ ဆရာကျတတ်လာပြီ ၊ အရင်လို ဂွင်သေးတွေ မဖန်တော့ဘူး
ဂွကောင်းရင် ၀င်ထိုင် စတိုင်နဲ့မလိုင်နဲ့ ကိုယ့်ကိုကိုယ် ပြန်ရောင်းဖို့တောင် ပွဲစားမလို
တရုတ်ကြီးတွေ လက်ဆောင်ပေးလိုက်တဲ့ တရုတ်စကားနဲ့ တရုတ်တွေကို မှောက်လိုမှောက်လှန်လိုလှန်
ခွေးမင်က ပြန်လှည့်လာတဲ့ အခေါက်ပေါင်းလည်းမနည်း
တရုတ်ရထားကြိးတွေတောင် မင်းခိုးစီးရဲပြီ  ဘတ်စ်ကားတွေတိုးစီးရဲပြီ ဆိုတော့ ......
ကျားနာခဲခဲတော့ မင်းပဲ ကိုယ်ကျိုးနည်းတော့ မပေါ့ ညိုမြရယ် ။


     ညိုမြရယ် ....

မင်းကိုမင်း ဆင်ခြင်ပါဦး  ... မင်းကိုမင်းပြင်ဆင်ပါဦး
မင်းလှောင်အိမ်ကျဉ်းလေးထဲက အပြင်ကိုဆင်းကြည့်ပါဦး
အခုတလော မင်းပုံစံက မဟုတ်တော့ဘူးနော်
မင်းကိုယ်ပေါ်မှာ အဖုအပိန့်တွေက ရေယုန်တွေလားကွယ်
ထစ်ခနဲရှိမင်းဖျားပြီ၊ ထစ်ခနဲရှိမင်းမောတတ်နေပြီ ။
စကားမှ မဆုံးသေးဘူး ဘိုင်းခနဲလဲကျ
ဆေးရုံပို့လိုက်ရမှ ညိုမြရယ် .... ညိုမြရယ် ..........။

မင်းကို ဘယ်လိုအရာတွေကများ တွန်းပို့လိုက်ပါသလဲ ညိုမြရယ် ....

မြို့ပြ စရိုက်ပျက်တွေရဲ့ ငွေသံကြေးသံတွေကြား မင်းပျော်ပါးနေခဲ့တာလား ညိုမြရယ်

တို့ကျေးလက်တွေ ရဲ့ အမေ့ဖျောက်ခံထားရတဲ့ ဘ၀တွေဆီကို မင်းပြန်မလှည့်နိုင်အောင်

မင်းအခန်းက ဘာကြောင့် ဒီလောက်မှောင်သွားရတာလဲ

အလင်းရောင်သဲ့သဲ့အောက်မှာ မင်းခန္ဓာကိုယ် ယဲ့ယဲ့လေးကိုသယ်ဆောင် ....

မင်းလိုပဲ ငါတို့ ဘ၀တွေ မှောင်နေဆဲပါပဲ ညိုမြရယ် ........ ။

ညိုမြရေ ..... ညိုမြရေ .....

နောက်ဘ၀မှာ လူဖြစ်ခွင့်ရမယ်ဆို ဒီခေတ် ၊ ဒီစနစ် တွေရဲ့ ဒဏ်

မင်း နောက်ထပ် နောက်တဖန် ပြန်မခံရပါစေနဲ့လို့ ဆုတောင်းပေးရင်း

မင်းရွက်ခဲ့ဖူးတဲ့ ရေအိုးကို ငါတို့ရိုက်ခွဲလိုက်ကြပါပြီ ။

ဘိုဟန်


ရာမ(ရာဘ) = မြင်းဆေး ၊ စိတ်ကြွဆေးတစ်မျိုး
မန်ထို = အဆာပလာမပါသော ပေါက်စီ

 Wednesday, September 26, 2012 at 8:12pm