** တစ်သက်လုံးဖွဲ့နွဲ့ **

ဒါမျိုးတွေချည်းပဲ
တစ်သက်လုံးဖွဲ့နွဲ့လာတော့
ဒါမျိုးတွေကလွဲပြီး
ဖွဲ့နွဲ့စရာလို့ မမြင်တော့တာဆန်းလားဆိုတော့
ဆန်းတော့သိပ်မဆန်းဘူးပေါ့လေ
အရူးမကိုယ်ဝန်တို့
ရွှေတွင်းတူးရင်း
သေတွင်းဖြစ်သွားတာတို့
ရှေးဟောင်းပစ္စည်းတွေနောက်လိုက်ရင်း
လူကိုယ်တိုင်ရှေးဟောင်းပစ္စည်းဖြစ်သွားတာတို့
ဆောက်လုပ်ရေးအလုပ်သမားတစ်ယောက်
သူ့ဦးနှောက်ကို
ကွန်ကရစ်ဖျော်စက်ထဲ
ထည့်ပစ်လိုက်တာတို့ ဘာတို့ပေါ့လေ
တစ်လျှောက်လုံး
ဖွဲ့နွဲ့စရာတွေရှိလာပါတယ်
သူ့ဘာသာနေတဲ့
အမှိုက်ပုံယင်တလောင်းလောင်းကို
သူ့ဘာသာနေတဲ့ လူ့ဘဝနဲ့ဆွဲစေ့ပြလိုက်တော့
အင်မတန်ဇာတ်နာတဲ့အဖွဲ့အနွဲ့မျိုးရလာပါတယ်
သူ့ဘာသာကြွေတဲ့သစ်ရွက်ကို
သူ့ဘာသာနေတဲ့မမြဲခြင်းနဲ့ နှိုင်းပြလိုက်တော့
ဖတ်သူကို သံဝေဂတွေဘာတွေရသွားစေပါတယ်
လိုအပ်လာရင်
အမှန်တရားဆိုတာလို့အစချီပြီး
ကိုယ့်ရှုထောင့်ကနေကိုယ်
တစ်ဖက်သတ်ဖွဲ့နွဲ့ပြလို့လည်းရနိုင်ပါသေးတယ်
ဒီလိုကိုယ်ထင်သလိုဖွဲ့နွဲ့ပြလို့ရတဲ့
အဖွဲ့အနွဲ့ များမှာ
လိုရာဆွဲလို့ရတဲ့ အဖွဲ့အနွဲ့ များမှာ
ပျော်ရွှင်စွာဖွဲ့နွဲ့လာခဲ့ကြတာဆန်းလားဆိုတော့
ခုတောင်အဖွဲ့အနွဲ့ အကြောင်း
ဖွဲ့နွဲ့ပြလို့ရသေးတာဆိုတော့
ဆန်းတော့ သိပ်မဆန်းတော့ဘူးပေါ့လေ
ဒီထက်ပို ဖွဲ့နွဲ့ မပြသင့်တော့ဘူးထင်လို့
ဒီလောက်ပဲ ဖွဲ့နွဲ့ပြလိုက်ပါတယ် ။ ။



ကြည်ဇော်အေး
ဖက်ရှင်မဂ္ဂဇင်း၊ ၂ဝဝ၇