Photos
ကိုယ့်ဒုက္ခတွေကို ပြန်စစ်ဖို့ ပျင်းတဲ့အခါ ၊ သူတစ်ပါး ဒုက္ခတွေကို ကွန်ပစ်ပြီး ကိုယ့်ခန္ဓာပေါ် တင်ယူလာပါတယ် ။ ခင်ဗျား ဒုက္ခ ၊ ကျွန်တော့် ဒုက္ခတွေဟာ ဘာမှ မဟုတ်ဘူးဆိုတာ တွေးမိတဲ့ အခါ ကျွန်တော်တို့ အတူရယ်မောကြရအောင်ပါ။ ကမ္ဘာကြီးက ဆလိုက်ထိုးပြတာ ခံစားကြည့်ကြရင်းပေါ့
Saturday, May 4, 2013
မျက်ရည်တေး
ကျွန်တော့်သားကပြောတယ် ။
“ ဖေဖေ ...
ခွေးကလေး သေသွားပြီ ... ” တဲ့ ။
ခါတိုင်းညနေခင်းနဲ့ မတူ
ကျွန်တော့်သားရဲ့ မျက်ဝန်းမှာ
တိမ်တွေနိမ့်ဆင်းသွားပြီ ။
ကျွန်တော် ...
အမှောင်ထဲ တွားဝင်လာတဲ့မြစ်ကို
အတောင်ပံ တပ်ပေးမိတယ် ။
ပန်းတွေ လှပနေခဲ့သလား
ပြောပါ ... ။
လေညင်းတွေ ဝင်းပနေခဲ့သလား
ပြောပါ ... ။
နှလုံးအိမ်အတွင်းမှာ
ငှက်တစ်ကောင် စီးဆင်းနေပုံ
မမြင်ရ ... ။
ကမ်းပါးနှစ်ဖက်နဲ့ မြွေကို ...
မမြင်ရ ...။
ကြယ်တွေနဲ့အတူ
ပျံသန်းနေတဲ့ညသာ
သူ့အလိုလို
ကြွေကျလာတယ် ။
တစ်ချိန်လုံး
နို့ပိန်တွယ်စို့နေတဲ့
စာသင်ကျောင်းလေးဘေးမှာ
အဲဒီ ... နှင်းတွေပေါ့ ... ။
အောင်ဝေး
သရဖူ (၁၉၉၈ ဒီဇင်ဘာ)
Subscribe to:
Post Comments (Atom)
No comments:
Post a Comment