အမေ့လင်းယုန်

• 
  အမေကတစ်နေရာ ၊ သားကတစ်ဒေသ
  အမေ့ကို တွေ့ချင်ဇောနဲ့ သတိရတော့
  လွမ်းစိတ်နဲ့ ဒီကဗျာကို ရေးဖွဲ့ဖြစ်ပါတယ်
  အမေနဲ့အတူတကွ
  ကမ္ဘာကြီးပေါ်က အမေအားလုံး
  အနန္တစကြဝဠာကြီးထဲက အမေအားလုံး
  ကျွန်တော့်ရဲ့အားထုတ်မှုအပေါ်
  သာဓုခေါ်နိုင်ကြပါစေ ။
  
  မိုဃ်းဇော်
  ၂ဝ၁၁ခုနှစ်၊ ဂျွန်လနောက်ဆုံးနေ့ ၊ ရန်ကုန်၊ မြန်မာပြည်
  
  (၁)
  ဝေဒနာကြိုးတန်းကလေးပေါ်မှာ
  အမေ့ရဲ့ ချွေးသုတ်ပုဝါကလေးလှမ်းပစ်တင်လိုက်တော့
  ကမ်းမမြင် လမ်းမမြင်မုန်တိုင်းထဲ
  သားကပျံသန်းဆဲပေါ့ ။
  
  (၂)
  သားကိုသတိရ
  သားကိုမတွေ့ရတဲ့အခါ
  စာနာတတ်တဲ့ငွေကြယ်ကလေးတွေက
  အမေ့ဆီ ဝမ်းနည်းကြောင်းသဝဏ်လွှာစေလိမ့်မယ် ။
  
  (၃)
  ကျွန်တော့်ရဲ့အန္တိမမျှော်လင့်ချက်
  အမေတိုက်တဲ့ ရေတစ်ခွက်သာသောက်ချင်ရဲ့ ။
  
  (၄)
  နောင်ဘဝ၌
  လူဖြစ်ခွင့်ရမည်ဆိုပါလျှင်
  ပျူငှာယဉ်ကျေးသောပန်းများ
  ပွင့်သော ထိုအင်ကြင်းတောစပ်၌
  အမေ့ရဲ့သား ကျွန်တော် ပြန်ဖြစ်ချင်ပါသည် .... ။
  
  (၅)
  လိမ္မာတဲ့သားဆိုးကို
  အမေရိကန်ဆေးရုံမှာ ဗိုက်ခွဲမွေးပေးခဲ့ရတဲ့အမေ
  အမေ့သား “ မိုဃ်းဇော် ”
  မှားခဲ့တယ်
  မတရားမလုပ်ခဲ့ဘူး
  ဆိုးခဲ့တယ်
  မယုတ်မာခဲ့ဘူး
  မိုက်ခဲ့တယ်
  မရိုင်းခဲ့ဘူး
  အားလုံးကို ချစ်ခဲ့တယ်
  မကောက်ကျစ်ခဲ့ဘူး
  သား ဗုံးကြဲခဲ့တဲ့မြို့ဟာ
  သားကိုယ်သားပါ အမေရယ်။
  
  (၆)
  တစ်ခါတလေ တရားထိုင်ပြီး
  တစ်ခါတလေ ငါးပါးသီလမလုံခြုံတတ်တဲ့သား
  ကုသိုလ်
  အကုသိုလ်တရား
  လူပီသစွာ ပွားစီးမိခဲ့ပါပြီ ။
  
  (၇)
  အမေရယ်
  သားရဲ့တစ်နေ့နေထိုင်မှုကိုသာ
  အမေသိရမယ်ဆိုရင်
  ရင်ချိမှာမဟုတ်ပါဘူး
  အနုပညာနဲ့ ကိုယ့်တွင်းကိုယ်တူးပြီး
  ကိုယ့်ဘဝကိုယ်လှီးမြေမြူပ်ခဲ့သူ
  ကျေးဇူးသိတတ်ခဲ့ပါတယ် ။
  
  (၈)
  ကမ္ဘာကြီး
  သင့်အား
  ငါ့ရဲ့ဆဲလ် ၊ ငါ့ရဲ့နာကျင်မှု
  ငါ့ရဲ့အမိုင်နိုအက်စစ်
  ငါ့ရဲ့ဟေမိုကလိုဗင်ထဲက
  လှိုက်လှဲစွာကျေးဇူးတင်ရှိပါရဲ့ ။
  
  (၉)
  အို... နတ်ကောင်းနတ်မြတ်များ
  သင်တို့အား အတောင်ပံအဖြစ် တပ်ဆင်
  ဟောသည် ပစ္စန္တရာဇ်နေဝင်ချိန်မှာ
  ငါ့အမေရှိရာ ငါပျံသန်းချင်တယ် ။
  
  (၁ဝ)
  လာမယ့်အနှစ် (၄ဝ)မှာ
  လာမယ့်အနှစ် (၂ဝ)မှာ
  မနက်ဖြန်မှာ
  ဒီနေ့မှာ
  သေချာတဲ့သေခြင်းနဲ့
  အမေ့ကို အိမ်ပြန်ခဲ့မယ် ။
  
  (၁၁)
  “ အချစ် ”
  “ ငြိမ်းချမ်းရေး ”
  “ ကဗျာ ”
  ကျွန်တော့်ရဲ့လက်နက်မဲ့ခန္ဓာကိုယ်အား
  ကောင်းကင်ဘုံထိုထိုမှ
  တံခါးဖွင့်ကြိုဆိုကြကုန်လော့ ။
  
  (၁၂)
  မီးတောက်မီးလျှံကြားက
  တံပိုးခရာသံကြားရတယ်
  လောကသစ်တော့မယ်လေ
  လူဆင်းရဲတို့
  လူမွဲတို့
  ထကြ ထကြ
  နိုးထကြ
  သင်တို့အတွက်
  ပန်းရထားတစ်စင်းဆိုက်တော့မယ် ။
  
  (၁၃)
  ခနော်နီခနော်နဲ့
  ပိုးတုံးလုံးလေးတစ်ကောင်
  ကမ္ဘာမြေပေါ် ခြေချစ
  လမ်းလျှောက်ရဲတဲ့သတ္တိတွေရအောင်
  အမေပဲ မြေတောင်မြှောက်ခဲ့တယ် ။
  
  (၁၄)
  လူဆိုတာ
  “ လောကဓံကိုခံနိုင်ရည်ရှိရမတဲ့ ”
  “ ဘယ်သူတရားပျက်ပျက် ကိုယ်မပျက်စေနဲ့တဲ့ ”
  နှစ်ခွန်းတည်းသောစကားဟာ
  ငါ့ဝိညာဉ်မှာ ထွန်းလင်းနေလိမ့်မယ် ... ။
  
  (၁၅)
  မီးခြစ်ဆံလေးတစ်ချောင်းအတွက်
  သစ်သားစလေးတစ်စပဲလိုတယ်
  သစ်တောကြီးတစ်ခုလုံးမီးရှို့ဖို့အတွက်
  မီးခြစ်ဆံလေးတစ်ချောင်းပဲလိုတယ်
  သားနားထောင်ဖူးခဲ့တဲ့သီချင်းစာသား
  မမှားသေးပါဘူး မေမေ ။
  
  (၁၆)
  အ မေ
  အ မေ
  အ မေ
  အ မေ
  
  (၁၇)
  ငှက်ကလေးတွေရဲ့မနက်ခင်းပါပဲ
  မနက် ရှစ်နာရီကျော်ပြီအမေ
  တမာပင်အောက်မှာ
  ရဟန်းတော်များဆွမ်းခံကြွပေါ့
  ဆေးရုံကုတင်ပေါ်ပက်လက်
  အမေ့ဇော အမေ့အိပ်မက်ထဲကနေ
  အမေဆွမ်းထွက်လောင်းနေလား ။
  
  (၁၈)
  အမေ
  သားသူငယ်ချင်း “ ပီတာ ” လေ
  သားနဲ့ တစ်ခေတ်တည်းမွေးခဲ့တဲ့ကောင်ပေါ့
  ဥာဏ်ကောင်းပြီး စိတ်ကောင်းရှိတဲ့
  လူကောင်းသူကောင်းတစ်ယောက်ပါ
  ဘဝတစ်ဆစ်ချိုးမှာ
  ဆေးထိုးအပ်နဲ့ ထွက်ပေါက်ရှာခဲ့တယ်
  အခုတော့
  သူ လွတ်မြောက်သွားပေါ့
  “ ပီတာ ” သူငယ်ချင်း
  သံသရာအဖန်ဖန်ကျင်လည်ခြင်းမှာ
  ကောင်းရာသုဂတိ လားပါစေကွာ ။
  
  (၁၉)
  ဟိတ်! သူယုတ်
  သင့်ရေဘဝဲလိုလက်တံနဲ့
  သန့်စင်တဲ့လိပ်ပြာကို မဖျက်ဆီးလေနဲ့
  ငါ့ပန်းတောကို မြေမလှန်နဲ့
  အရှင်ဘုရား
  ဤကမ္ဘာမြေကြီး
  အပြီးတိုင်ပြိုကွဲပျက်စီးသွားပါအံ့
  နောင်ဖြစ်လတ္တံ့ကမ္ဘာ၌
  စိတ်နှလုံးကောင်းမွန်မြင့်မြတ်သူများသာ
  လုဖြစ်ခွင့်ရပါစေသတည်း ။
  
  (၂ဝ)
  မလွဲမချွတ်
  ဝဋ်ဆိုတာ ကြောက်စရာကောင်းပါတယ်။
  
  (၂၁)
  မြက်ခင်းတစ်ပတ်နွမ်းလည်း
  မြက်ခင်းတစ်ခင်း ပြန်လည်စိမ်းလန်းလာမှာပဲ
  နွေဦးဆိုတာ
  အမြဲတမ်းပုန်းနေနိုင်မတဲ့လား
  နှင်းဆီနဲ့
  လေညင်းနဲ့
  အစွန်းအထင်းမရှိတဲ့နေဝန်းနီနဲ့အတူ
  လှပတဲ့မိုးသားအဖြူအောက်မှာ
  ပြန်လည်ဖူးပွင့်လာရမယ် ။
  
  (၂၂)
  အမေရှိရာ
  လောကတစ်ခုဆီမှာ
  မိုးတွေရွာချပြီဆိုရင်
  အဲ့ဒီမိုးစက်တွေဟာ
  ကောင်းကင်ပေါ်က ထိုးဆင်းချလာတဲ့
  သားရဲ့အလွမ်းသီချင်းတွေပဲပေါ့
  မိုးတိမ်တွေကတစ်ဆင့်
  အမေ့ကို ရင်ဖွင့်မယ်
  နားသောတဆင်ပါအမေ ။
  
  (၂၃)
  သင်္ခါရတရားတိုးရဲ့
  ပျက်စီးပြိုကွဲခြင်းသဘောကိုဆင်ခြင်ဖို့
  အမေ့အတွက်မငိုဖို့
  အမေ့ကိုမလွမ်းဖို့
  အမေ့ကို သတိမရဖို့
  ငါ့မှာ တရားမရှိနိုင်ခဲ့ပါ ။
  
  (၂၄)
  ဒီကနေ့
  အမေ့အခြေအနေ
  ဘယ်လိုများနေရှာမလဲ
  အမေ့အရိပ်မှာ
  သားအိပ်စက်ဆဲပါပဲ
  အိမ်ပြန်နောက်ကျတတ်တဲ့သားကို
  အိမ်ပေါက်ဝကဆီးကြိုနေဆဲပါပဲ
  သားရဲ့နှလုံးသားထဲ
  ထာဝရအမေရှင်သန်ဆဲပါပဲ ။
  
  (၂၅)
  အမေ့ရဲ့
  မေတ္တာလှိုင်းဂယက်ကြောင့်
  သမုဒ္ဒရာတွေ သေးငယ်ကုန်ကြတယ် ။
  
  (၂၆)
  ကဗျာဖတ်ပြီး
  ကဗျာမြတ်နိုးတတ်တဲ့အမေ
  မသေပါနဲ့ဦး အမေရယ်
  နံစော်စော်ပုပ်အဲ့အဲ့လောကကြီးထဲမှာ
  သားကို ပစ်မထားခဲ့ပါနဲ့ ။
  
  (၂၇)
  ငယ်ငယ်တုန်းကတော့
  သားဟာ အမေရဲ့ခွေးလေးတစ်ကောင်ပေါ့ ။
  သားဟောင်တာကိုကြည့်ပြီး
  အမေပီတိဖြာခဲ့တယ် ။
  အခုတော့ သားဟာ
  အမေ့ရဲ့မျက်ကွယ်က
  အမှန်တရားကို ကိုက်ချီထားတဲ့ “ လင်းယုန် ” ။
  
  (၂၈)
  အနက်ရောင်မုန်တိုင်းထဲ
  ရင်ဖွင့်ပျံသန်းဆဲပါ “ အမေ ”
  
  မိုဃ်းဇော်
  
  ရည်ညွှန်းချက်။
  ကျွန်တော်ရဲ့ လူအဖြစ် ရရှိခဲ့ခြင်းမှစ၍ -
  ကျေးဇူးတရားပေါင်းစုရာ ကျွန်တော်ရဲ့ဒုတိယဘုရားသခင် ၊
  ကွယ်လွန်သူ မွေးသမိခင်ဒေါ်တင်ရွှေ(ရေနံချောင်း)သို့ ။
  
  အောက်တိုဘာ၊ ၂ဝဝ၃၊ ဟန်သစ်မဂ္ဂဇင်း။
  မိုဃ်းဇော်သေတမ်းစာ၊ ၂ဝဝ၇။