** မိုးလင်းမှ တန်းလန်းကြီး ခေါက်သိမ်းလိုက်ရတဲ့ မရိုးမရွ ငါ့ကဗျာ **
လျှာကတစ်တောက်တောက်ခေါက်လို့ ၀မ်းဗိုက်မှာထိုးမှောက်ထားတဲ့မီးစ ။ အခန်းကျဉ်း ကြမ်းပြင်ပေါ်တုန်းလုံးပက်လက် နဲ့ မီးစလေးတွေရဲ့ အလင်းရောင် ၊ လရောင်ကတစ်ခြမ်းပဲ့ ၊ ငါ့အခန်းထဲတော့ အလင်းရောင်ထိုးမကြဘူး ။
ညဥ့်ငှက်တွေလို့ပဲ ငါ အစာထွက်ရှာထွက်တယ် ။ ငါ့ကဗျာဟာ ငါ့အစာ ။ယိုင်နဲ့
ရွဲ့ထိုးနေတဲ့ ငါ့မိသားစုအတွက် ဘယ်လိုမှ မနှစ်မြို့ နိူင်တဲ့ ဓာတ်စာ ။
အချိန်တန်တော့လည်း အခြေအနေအရ အချိန်မှန် မြည်တွန်တောက်တီး ဖို့
ဒီမိန်းမပါးစပ် နိူးစက်တပ် ထပြီ တပျစ်တောက်တောက် ။ ဒီအချိန်ကြရင်
ဒီကြမ်းပိုးကလည်း အရှက်မရှိ တစ်စစ်စစ် လာကိုက်တယ် ။ ဒီအနံ့အသက်တွေနဲ့
ဒီအိပ်ယာ ငါ အိပ်မပျော်တာဆန်းသလား ။ ကဗျာမျိုးစေ့မှန်တယ် အိပ်ရေးပျက် ဒဏ်
အဟာရ မမှန်မှုကြောင့် ကဗျာတစ်ပုဒ်တောင် ပေါက်မြောက်ပြီးစီးအောင်
မရေးနိူင်တဲ့ ဒီ ကဗျာဆရာ ရဲ့ သွေး က ဒီလောက် ချိုသလား ၊ ဒီသွေးကိုမှ
မက်မက်စက်စက် စုပ်ရက်တဲ့ ကြမ်းပိုး က အငြိုးအတေးကြီးတယ် ။သောက် လက်စ မီးစဟာ
ကိုယ်ပေါ်ကို တဖွားဖွားကြွေကျ ။ အိပ်ယာခင်းကြမ်းပြင် အိပ်နေသူအားလုံး
ဒီမီးက ကူးစက်ပြီးပါပြီ ။ ကိုယ်ပေါ်ကမီးကို ငြိမ်းတော့ ရင်ထဲက မီးပါသေတယ် ။
ဒီမီးသေရင် ဒီကဗျာ ဖြစ်မလာတာ့ဘူး ...ကဗျာမှာမီးဟုန်းဟုန်းတောက်မှ ဆရာ ကျ
တာ။ မဟုတ်ရင် ဘာကဗျာလည်း အာပလာ ရာသီစာ ။ ကဗျာနဲ့မီးဟာ ငါ့အိပ်ယာထဲ
ဝိုင်းကြီးပတ်ပတ်ဒူဝေေ၀ ။ ကလေးတွေက တောင်ထိုးမြောက်ကန် နဲ့ အိပ်မက်ထဲမှာ
သူရဲကောင်းဆန်နေ ကြ ။ မနက်မိုးလင်းရင် ကန်စွန်းရွက်လား၊ချဉ်ပေါင်ရွက်လား
တစ်စီးနှစ်စီးစာအ တွက်တောင် ငါအိပ်ယာ မနိူးရဲဘူး ဒီလိုကဗျာဆရာ ။ ဒါတွေအစား
ရှည်လာတဲ့ ငါတို့အမွှေးအမျင်တွေကို ရိတ်ပြီးချက်စားရရင်မသင့်တော်ပေဘူးလား ။
ကဗျာတစ်ပုဒ်တလေတောင် ကဗျာဓာတ်စီးပြီး ၀ဖီးအောင်မတွေးခေါ် နိူင် လောက်အောင်
ငါ့ခံစားမှုတွေ သွေးဆုံးခဲ့ပြီလား ။ စိတ်ပူစရာ ငါ့မိန်းမက သွေးမဆုံးသေးတာပဲ ။
ကဗျာဆရာ အလုပ်ကရှုပ်ပြီ စီးကရက်ကို မသောက်နိူင်တဲ့ ကဗျာဆရာ အတွေးကို
မီးပြန်ရှို့ ရင်ထဲကို မီးပြန်ထွန်း ကဗျာ ကဗျာ ကဗျာ ... ကဗျာတစ်ပုဒ်တော့
ပြီးအောင်ရေးရမယ် ။ အရပ်ထဲ မှာ ပြောကြတာ ငါ့ အလုပ်အကိုင် - ကဗျာဆရာ ။
သားငယ်လေးက မပီကလာပီကလာ နဲ့ ပေပေဂျီး က ကဘာချာ တဲ့ ။ တော်သေးရဲ့ လဘာဂျာနဲ့
မမှားလို့ ။ တစ်နေ့တစ်နေ့ ဒီအခန်း ၊ ဒီအိပ်ယာ ၊ ဒီပက်လက်ကုလားထိုင်ပေါ်က
တစ်ကမ္ဘာလုံးကို ဖိုထိုးပေးနေခဲ့ ။ တစ်ကမ္ဘာလုံးကို စိုက်ပျိုးပေးနေခဲ့ ။
ဒါတောင် ကဗျာက ကဗျာဆရာကို ရွှေပေါ်မြတင်မထားနိူင်ဘူးလား ။ ကဗျာဆရာမှာ
ကဗျာအလုပ်ပဲ လုပ်နေရင် မပြီးဘူးလား ။ ဒီနေ့ မရလည်း ဒီကဗျာ ငါ့လက်ပေါ်က
ထွက်မှာပဲ မဟုတ်ဘူးလား ။ ရေးချင်စိတ်မရှိရင် မရေးနဲ့ ကဗျာမှာ အတတ်ပညာ
နည်းနည်းပဲပါတာကောင်းတယ် ။ မဟုတ်ရင် Made in china တံဆိပ်နဲ့ ကဗျာတွေ
ဖတ်ရလိမ့်မယ် ။ဖော့တွေးရင် သိကြားမင်းတောင် ကဗျာဆရာလောက်
စည်းဇိမ်မခံစားရပါဘူး ။ မိန်းမကို ထမင်းတစ်နပ်လျော့ စားဖို့ အကြံပေး
အိမ်နံရံကပ် ကဗျာလေး ရေးပြီး ။တန်းလန်းကြီး ဒီကဗျာခေါက် သ်ိမ်း ။
ဒုက္ခတွေအပူတွေထုပ်သိမ်း ။ ငါ့အိပ်ယာထဲက နတ်သမီးနဲ့ ... ဟိုး ....
အရင်တုန်းကလို နှုတ်ခမ်းပဲ့ခြင်းမီးမှုတ်ရင်း ကဗျာဆရာဟာ မျိုးကျဲ ..
အိပ်ရာဝင် ။
အသက်အရွယ် သမ္ဘာက အရှက်အကြောက်မရှိ ..... မိုးစင်စင်လင်းပြီ ....... ။
ဘိုဟန်
No comments:
Post a Comment