** ငါ ၊ ကစ်ပလင်း နဲ့ မန္တလေး **

    ငါမွေးတဲ့
    မန္တလေးရဲ့
    မြို့ဖွဲ့ကဗျာ
    ငါရေးရဦးမယ် ။

    “ ကစ်ပလင်း ” ဟာ
    “ မန္တလေး ” ကဗျာကိုဖွဲ့ခဲ့
    ဒါပေမယ့်
    ငါနဲ့သူ
    တူမှာတော့မဟုတ်ဘူး။

    သူက မန္တလေးကို မချစ်ဘူး
    ငါက မန္တလေးကို ချစ်တယ်။

    သူက ပေါင်မုန့်စားတယ်
    ဒိန်ခဲစားတယ်
    ဝက်ပေါင်ခြောက်စားတယ်
    စကော့ဝီစကီသောက်တယ်။

    ငါက ထမင်းစားတယ်
    ငါးပိစားတယ်
    မုန့်ပြားသလက်စားတယ်
    ကျုံးရေသောက်တယ်
    (ထန်းရည်လည်း တခါတလေ သောက်တာပေါ့ ။)

    သူက အင်္ဂလိပ်တယောက်
    ငါက မြန်မာတယောက် ။

    သူက ဖိနှိပ်သူ
    ငါတို့က ဖိနှိပ်ခံရဖူးသူ ။

    သူက
    မြန်မာမလေးတွေကို
    အရိုင်းအစိုင်း ကိုလိုနီမလေးတွေ အဖြစ်မြင်တယ် ။

    ငါက
    မြန်မာမလေးတွေကို
    ငါ့အမေ ၊ ငါ့အစ်မ
    ငါ့နှမ အဖြစ်မြင်တယ် ။

    ဆိပ်ကမ်းတခုမှာ
    ဘင်ဂျိုတီးနေတဲ့ မြန်မာမ
    တွေ့ခဲ့ရသတဲ့
    ဟုတ်ကဲ့လား ကစ်ပလင်းရေ
    ငါတွေ့နေရတာကဖြင့်
    သိမ်မွေ့လှပ
    ဣနြေ္ဒရရနဲ
    ရေခပ်နေတဲ့ မြန်မာမလေးတွေ ။

    ဘင်ဂျိုတီး မြန်မာမက
    “ ကူလာလိုလို ”
    (အိန္ဒိယ သီချင်းပုံစံလို)
    ဆိုနေတာ ကြားရသတဲ့
    ဟုတ်ကဲ့လား ပစ်ပလင်းရေ
    ငါကြားနေတာကဖြင့်
    “ မြမန်းဂီရိ သေလာတောင်
      နန်းတည်ထောင်
      ဘုန်းရောင်နေသို့လင်း ”
    ကြီးကျယ်ခန်းနားတဲ့ မြန်မာသီချင်း ။

    “ မန္တလေး” တဲ့
    ခင်ဗျားရဲ့ ကဗျာထဲမှာ
    ပြောပါ ...
    ဘာကြောင့် ရတနာပုံခေတ် ယဉ်ကျေးမှု မပါရတာလဲ ၊
    ပြောပါ ...
    ဘာကြောင့် မဟာမြတ်မုနိဘုရား မပါရတာလဲ ၊
    ပြောပါ ...
    ဘာကြောင့် ကျုံးမြို့ရိုး မပါရတာလဲ ၊
    ပြောပါ ...
    ဘာကြောင့် ရွှေခြေချင်းဝတ် မန္တလေးသူ မပါရတာလဲ ၊
    ပြောပါ ...
    ဘာကြောင့် “ မန္တလေးရနံ့ ” မပါရတာလဲ ၊
    ပြောပါ ...
    ဘာကြောင့် “ မြန်မာ ”  မပါရတာလဲ
    ပြောပါ ...။

    မန္တလေး မရောက်ပဲနဲ့
    “ မန္တလေး ” ကဗျာ ဖွဲ့ခဲ့လေသလား
    စဉ်းစားစရာ
    ကစ်ပလင်းရဲ့ ကဗျာ
    ဝမ်းနည်းဖို့ကောင်းစွာ လွဲချော်ခဲ့ ။

    ကစ်ပလင်းနဲ့ မတူမယ့်
    မန္တလေးဖွဲ့ကဗျာ
    မလွှဲသာမရှောင်သာ
    ငါ ပြန်ရေးရဦးမယ်ထင်ရဲ့ ။

    ကျော်စွာထက်
    (မိုးဝေ၊ ၈၆ အောက်တိုဘာ)