ကြူးနှစ် ၏ တိရစ္ဆာန်ရုံသို့အလည်သွားခြင်း

ကြူးနှစ် ၏ တိရစ္ဆာန်ရုံသို့အလည်သွားခြင်း

ခင်သန်းနုအကြောင်းဝတ္ထု - ဆရာဇော်ဇော်အောင်

ဆရာဇော်ဇော်အောင် ၏ ခင်သန်းနုအကြောင်းဝတ္ထု အမည်ရှိ ၀တ္ထုတိုလေးကို

အသံထွက်ဝတ္ထုအဖြစ် တင်ဆက်လိုက်ပါသည်။

စီစဉ်တင်ဆက်သူ - နွေတမာန်

နောက်ခံအသံ - နွေတမာန်

အိမ် - ဇော်ထွန်းတင်

အိမ်

စကားပြောဖော်မရှိ
သေခြင်းတရားလည်းမရှိ။

နောက်ထပ်တွေ့ရှိစရာ
လောကရဲ့အစိမ်းရောင်များ
အသက်ရှူလိုက်တိုင်းညှီတယ်။

တင်းကျပ်တိတ်ဆိတ်မှုထဲ
ငြိမ်လို့
ဆွံ့အ အိပ်မက်များ။ ။

ဇော်ထွန်းတင်

ဟန်သစ် မဂ္ဂဇင်း
နိုဝင်ဘာ၊ ၁၉၉၉

** ငါဟာ မိန်းမ ** လင်းလွင်

** ငါဟာ မိန်းမ ** လင်းလွင်

တစ်ယောက်တည်းဆို ငါ ၀တ်လစ်စလစ် နေမယ်
အခု တစ်ယောက်ထဲ မဟုတ်တော့ ငါ ၀တ်လစ်စလစ်မနေဘူး
အချစ်ကိစ္စကို ငါ့ဘက်ကစရမယ်
အခု ငါက မိန်းမဆိုတော့ ငါစ လို့မရဘူး
ငါဟာ မိန်းမ
ငါဟာ အခူးအဆွတ်ခံဖို့ ပွင့်လာတဲ့ မိန်းမ
ခုနှစ်ရက်သားသမီး ဧည့်ခန်းတွေ အတွက်ဆို
မြန်မြန်ခူးဆွတ်စမ်းပါလို့ မြူဆွယ်နေတဲ့ မိန်းမ
ငါဟာ မိန်းမ
ငါဟာ အသီကုံးခံဖို့ ပွင့်လာတဲ့ မိန်းမ
ခုနှစ်ရက်သားသမီး ဧည့်ခန်းတွေ အတွက်ဆို
မြန်မြန် ကောက်ယူစမ်းပါလို့ ဖြားယောင်းနေတဲ့ မိန်းမ
ငါဟာ မိန်းမဆိုတော့ နေချင်သလိုနေလို့ မရဘူး
ငါဟာ မိန်းမ ဆိုတော့ ချစ်ချင်သလို ချစ်လို့ မရဘူး
မြုံနေတဲ့ ဝေဒနာတွေ နဲ့ ငါဟာ
မြုံနေတဲ့ မိန်းမတော့ မဟုတ်ဖူး
မိန်းမ ငါဟာ ကိုယ်ဝန်ဆောင်ထားတဲ့ မိန်းမ
ငါ့ကိုယ်ဝန်ဟာ အခုလက်ရှိ ကမ္ဘာနဲ့ ရတာပေါ့
ငါဟာ မိန်းမဆိုတော့ မိခင်ကောင်းတစ်ယောက်လည်းဖြစ်ရမယ်
အခု လက်ရှိကမ္ဘာ ရဲ့ အကျင့် စရိုက်ဆိုးတွေ
ငါမွေးဖွားလာမဲ့ ကမ္ဘာလေးမှာ ပါ မလာအောင်
ငါမွေးဖွားလာမယ့် ငါ့ ကမ္ဘာလေးကို ငါပျိုးထောင်ပေးရမယ်
ငါဟာ မိန်းမ
တရားမျှတမှု ကို တန်ဖိုးထားတဲ့
ငါ့ ကမ္ဘာလေးကို မွေးဖွားပေးချင်တဲ့ မိန်းမ
ငါဟာ မိန်းမ
နိုင်ငံတော်ကို ချစ်တတ်တဲ့
ငါ့ ကမ္ဘာလေးကို မွေးဖွားပေးချင်နေတဲ့ မိန်းမ
ငါဟာ မိန်းမ
ငါဟာ ကိုယ်ဝန်သည် မိန်းမ
အခုကတည်းက ကိုယ်ချင်းစာနာမှု အင်္ကျီလေးတွေချုပ်လို့
အခုကတည်းက ယဉ်ကျေးလိမ္မာ ပုံပြင်စာအုပ်လေးတွေ ဖတ်လို့ ။

လင်းလွင်

** ဗြောက်ဖောက်သူများ ** လင်းလွင်

** ဗြောက်ဖောက်သူများ ** လင်းလွင်



အသံမြည်ရုံ သက်သက်လေးထဲမှာ
အပျော်ရှာကြ
ကိုယ့်အသက်ကိုယ် ရှို့ ရှို့ ပြီးတော့လေ ။ ။

လင်းလွင် ( Aidea - August .. 2007 )

** သိုက်တူးသမားတယောက်အကြောင်း ပြန်လည်ပြောပြချက် ** သစ်ကောင်းအိမ်

** သိုက်တူးသမားတယောက်အကြောင်း ပြန်လည်ပြောပြချက် **
သစ်ကောင်းအိမ်

ကြေးစားကလည်း ကြေးစားပီသတယ်
ရန်သူကလည်း ရန်သူပီသတယ်
လူကလည်း လူပီပီသသ ။

မနက်ခင်းမှာ အရက်နာကျတယ်
နေ့လယ်ခင်းမှာ စိတ်ဓာတ်ကျတယ်
ညတွေမှာ ရင်ကွဲနာတွေကျတယ် ။

တီတူးပြီးရောင်းလို့ ရတယ်
ဆံပင်ဖြတ်ပြီးရောင်းလို့ရတယ်
တိုင်းပြည်ကိုလက်ညှိုးထိုးပြီးရောင်းလို့လည်းရတယ် ။

ဘာမနာလိုစရာရှိလဲ
အင်ဒရူးဝိုင်းယက်က ကိုယ်ပိုင်ကျွန်းမှာ ပန်းချီဆွဲတယ်
ငါက ကိုယ်ပိုင်အလွမ်းအဆွေးတွေနဲ့ ကဗျာရေးတယ် ။

ဘာမနာလိုစရာရှိလဲ
မင်းနဲ့ငါလည်း ငွေလိုနေတယ်
လူ သန်းပေါင်း (၆၀) လည်း ငွေလိုနေတယ်
အမေရိကန်အစိုးရမှာလည်း ငွေလိုနေတယ် ။

ဘာမနာလိုစရာရှိလဲ
သုဘရာဇာက အလောင်းအလှပြင်တယ်
ငါက စာအုပ်အလှပြင်တယ်
သွေးဆာရင်ကောင်းကင်မော့ကြည့်တယ် ။

ပန်းအလှစိုက်ပြီး
ယဉ်ကျေးချင်ယောင်ဆောင်သောလူသားကမ္ဘာမှာ
ခွေးအလှမွေးပြီး
ယဉ်ကျေးချင်ယောင်ဆောင်သောလူသားကမ္ဘာမှာ ။

ဘာမနာလိုစရာရှိလဲ
ကိုယ်က တောနက်တယ်
လောကက ငါးမန်းပေါတယ်
အသားအသားချင်းမို့ မှားယွင်းမိခဲ့တယ် ။

သစ်ကောင်းအိမ်

** တီ ရှ ပ် အ ၀ါ နဲ့ေ ကာ င် မေ လး ** စိုးဝေငြိမ်း

** တီ ရှ ပ် အ ၀ါ နဲ့ေ ကာ င် မေ လး ** စိုးဝေငြိမ်း

အဝေးပြေးလမ်းမကြီးတွေပေါ်
ကျွန်တော် အဆုံးမရှိလမ်းတွေ လျှောက်တယ် ...
လေတွေတအားတိုက်ပြီး ကားတွေက တအားမြန်တော့
ကျွန်တော့ ရစ်သမ်တွေက လွဲလို့ ...
ဘယ်လိုမှ အနှေးရိုက်ချက်တွေ ဖြစ်မလာဘူး
လက်လျှော့လိုက်ရတယ် ... ဒီလိုနဲ့ ...
နွေတွေ ခဏ ... ခဏ ... ပိုင်းစစိတ်မြွှာ
သူပြန်သွားတဲ့နေ့က သရီးကွာတားအစိမ်းလေး
တန်ခူးလေထဲမှာ ဖျပ်ဖျပ်ခါ ...
ကဗျာမှာ မပါဝင်နိုင်တဲ့ စကားလုံးတွေနဲ့
စကားလုံးတွေမှာ မပါဝင်နိုင်တဲ့ ကဗျာ ...
ဘာမှ ပြန်မတွေးတော့ဘူး ... ပျော်အောင်နေလိုက်တယ်
ဒါမှမဟုတ် ပျော်အောင်နေရတယ်
ဒီလိုမှ မဟုတ်သေးရင် ပျော်အောင်နေလိုက်ရတယ် ...
ဖြစ်မလာဘူး
ညက မိုးတစ်စက် ... နှစ်စက် ...
မနက်ကျတော့ ကျွန်တော်ဒီအတိုင်း ရပ်လျက်သေ ...
တီရှပ်အ၀ါလေးနဲ့ ... တစ္ဆေ ...
ရောမကားထဲက စစ်မြင်းတွေလို
ရိပ်ခနဲ ရိပ်ခနဲ သက္ကရာဇ်တွေ ... နံရံပေါ်မှာ
မေသန်းနုဟာ သက်မွန်မြင့် ဖြစ်လို့
စိတ်ကို ကျစ်ကျစ်ပါအောင် ဆုပ်ထားရတယ်
သင်္ကြန်မိုးချည်း ကျွန်တော်ရွာပေးခဲ့တော့
“ ပန်းတွေနဲ့ဝေ ” ရမယ့်အစား “ ပန်းတွေနဲ့ဝေး ” လို့
ဒစ်ဂျစ်တယ်နွေ မဟုတ်တော့လည်း
တစ်ပုဒ်တည်းကို ပြန်ကျော့နေချင်လို့ မရဘူး
ဘ၀ရဲ့ အလျားအတိုင်း ...
မြို့မငြိမ်း သီချင်းတွေကအစ ...
ဟိုကလေးမ ယုဇနအထိ
ကျွန်တော့် ဧပရယ်ငတိမလေးက တီရှပ်အ၀ါနဲ့ ရွှဲရွှဲစို ...
သရီးကွာတား အစိမ်းလေးနဲ့ ရွှဲရွှဲစို ...
ကိုမောင်မောင်ရေ ... ကျွန်တော်ကတော့
ခင်ဗျား သင်္ကြန်မိုးကိုချည်း ဖိဖိဆို ... ။ ။

စိုးဝေငြိမ်း

** မိန်းမ ** ခိုင်မြဲကျော်စွာ

** မိန်းမ ** ခိုင်မြဲကျော်စွာ

ဦးခေါင်းမီးစွဲလောင်တဲ့ကိစ္စထက် အရေးတကြီး
အရောင် ၊ အသံလှိုင်းများ စုတ်ယူတယ် ။
အမျိုးအစားကောင်းသီချင်းတွေ မျိုးကြဲဖို့
ချိတ်တွယ်စရာ ဓာတ်သတ္ထုအမျိုးမျိုးနဲ့
အက်ကြောင်းထစေရဲ့ ။
ယုံပါ
ကျောရိုးထဲ ရိုးတွင်းချဉ်ဆီ ပွက်ပွက်လောင်မြိုက်ကာ
ရေနစ်ပြီ ။
သြော် ........
မိန်းမ
အဆန်းတကျယ် ဒြပ်ထုအဖြစ် ဆိုက်ရောက်ရင်း
သဘာဝတရားကို ကျယ်ပြန့်စေတဲ့ သီးနှံမဟုတ်လား ။

ခိုင်မြဲကျော်စွာ
စတိုင်သစ် ၊ ဧပြီလ ၊ ၂၀၀၁

** သူငိုရင် တကမ္ဘာလုံးလှုပ်တယ် ** ယောဟန်အောင်

** သူငိုရင် တကမ္ဘာလုံးလှုပ်တယ် ** ယောဟန်အောင်

သူငိုရင်
တကမ္ဘာလုံးလှုပ်တယ် ။
သမီးရယ် ... မငိုလိုက်ပါနဲ့ ။
ဖေဖေ့ဘ၀ဟာ
တချိန်လုံး ကမ္ဘာလှုပ်ခဲ့ရသူပါကွယ် ....။

သမီး ... မသိဘူး။
လိုအင်ဆန္ဒဆိုတာ ငိုလို့ရခဲ့တာ မဟုတ်ဘူး ။
ဖေဖေ့ဘ၀ဟာ
အပြာ... ဘီလူးအပြာဂီတ
တည်ငြိမ်မှုနဲ့ လုံခြုံမှုဆိုတာ
ကမ္ဘာရွာကြီးမှာ ဘယ်မှာရလို့တုန်း ၊
ဂလိုဘယ်လိုက်ဇေးရှင်း ကာလကြီးပါ သမီးရယ်.... ။

အိပ်မက်တွေဆိုတာလည်း
တကယ်မဖြစ်ဘူး ။
ကမ္ဘာကုန်သွယ်ရေးမျှော်စင်ကြီးလည်း
ဒေါင်းဂျုံးလို ထိုးစိုက်ဆင်းခဲ့ရ
လူ (၃၀၀၀) ကျော် အိပ်မက်တွေဟာ
တမဟုတ်ချင်း ပြာဖြစ်သွားတယ် ။
ဘာကြာသေးလို့လဲ သမီးရယ် ...
ဒါနဲ့ပဲ
ဗုံးမိုးကျဲ
အာဖဂန်မှာလည်း သေကြပြန်တာပဲ ။

သမီးငိုတာ တောင်းဆိုတာမှန်း ဖေဖေသိတာပေါ့ ။
တောင်းတာမပြည့်ရင် ဒေါသဖြစ်ပြန်ရော
စိတ်ကြီးသူတွေရဲ့ ဒေါသတွေက အမုန်းတွေဖြစ်
အမုန်းတွေက ရက်စက်မှုတွေဖြစ်
ရက်စက်မှုတွေက ရက်စက်မှုတွေပြန်ဖြစ်
မေတ္တာကိုလည်း သိပ်မပြောကြတော့ဘူး ။
အချစ်ကိုလည်း သိပ်မပြောကြတော့ဘူး ။
ဈေးကွက်နဲ့ စစ်ပွဲပဲ ပြောကြတယ် ။
သမီးရေ ...
မငိုပါနဲ့
ဖေဖေချစ်ပါရဲ့ ။

ကမ္ဘာကြီးမှာ
ပိုယှက်နွယ်လာ
ဘာမှန်းမသိတဲ့ သတင်းတွေက ပိုများများလာ
ဖေဖေ့နေရာ နည်းနည်းလာ
သမီးရေ ...
ကမ္ဘာ့ရွာမှာ အိုးအိမ်မဲ့
ဖေဖေလည်း သမီးတောင်းတိုင်းပေးနိုင်ရဲ့
မထင်ပါဘူးကွယ် ။

သမီးကြီးလာရင်
အလွန်ရိုးသားတဲ့ ဆက်ဆံရေးတွေ
အလွန်ကျိုးကြောင်းဆီလျော်တဲ့ အဖြစ်အပျက်တွေ
အလွန်လွယ်ကူတဲ့ ဘ၀တွေ
ရှိလေတော့မှာ မဟုတ်ဘူး ။
အကျဉ်းအကြပ်ဆိုတာရယ် ၊
ကပ်ဆိုတာရယ် ခဏခဏကြားရမယ် ။

တချို့က ခန္ဓာကိုယ်ကို ရောင်းစားတယ် ။
တချို့က ရက်ဇူမင်း( Resume )ရောင်းစားတယ် ။
တချို့က သိက္ခာကို ရောင်းစားတယ် ။
တချို့ကလည်း နိုင်ငံကိုပါ ရောင်းစားကြတယ် ။
လက်မှတ်ထိုးတဲ့ လက်ဟာ မြို့ကိုဖျက်သတဲ့ ။
ချိန်ခွင်နဲ့ ငွေကိုင်တဲလက်တွေလည်း မထူးပါဘူးကွယ် ။

သူများတွေက အာဂျင်ဒါ( Agenda )တင်ပို့တယ် ။
ယဉ်ကျေးမှုတင်ပို့တယ် ။
တချို့ကျတော့လည်း ကျွန်တွေပြန်တင်ပို့တယ် ။
သဘာဝပတ်ဝန်းကျင် ပြန်တင်ပို့တယ် ။
မြစ်တွေ ပြန်တင်ပို့တယ် ။
သမီးဖေဖေက ရောင်းစားဖို့ ဘာရှိလို့တုန်း
မာနချမ်းသာတာနဲပဲ ငတ်နေရ ။

ဒါကိုပဲ...
သမီး အမွေရမှာပဲ ။
မေမေကတော့ ကြောက်နေရဲ့ ။

ယောဟန်အောင်
၂၆၊ ၁၀၊ ၂၀၀၁

** တိမ်တို့ဧ။်အကြောင်း ** ကွန်ပလိုင်း

** တိမ်တို့ဧ။်အကြောင်း ** ကွန်ပလိုင်း

ဝမ်းနည်းစရာကောင်းတဲ့ ကိစ္စကို
ဝမ်းနည်ရကောင်းမှန်းမသိတာကိုက
ဝမ်နည်းစရာသိပ်ကောင်းနေပြီ ကိုယ့်လူ ။

လေက သူ့ လက်ဖ၀ါးနုနုလေးနဲ့
ယုယပွတ်သပ်ချော့မြူလိုက်ရင်
အမြီးကလေး ကော့ကော့ပြီး
မြေကြီးမှာ လူးလိမ့်ဆော့ကစားတဲ့ ကြောင်ကလေးလို
အဲ့ဒါ တိမ်တွေပေါ့ ကိုယ့်လူ ။

လေက ကြိမ်တစ်ချက်တို့လိုက်ရုံနဲ့
သူ့ခမျာ ရိုရိုကျိုးကျိုး
တိုးတိုးပြီး ရုန်းနေလိုက်ရတာ
အဲ့ဒါ တိမ်တွေပေါ့ ကိုယ့်လူ ။

လေရဲ့ စုတ်တံအဖျားလှုပ်တိုင်း
ရုပ်သဏ္ဍာန်တွေ ကွဲပြားကြွ ရွ
ခဏလေး တစ်စစီပဲ့ ကွာ
အဲ့ဒါ တိမ်တွေပေါ့ ကိုယ့်လူ ။

နီဆိုရင် နီလိုက်ရ
ဝါဆိုရင် ၀ါလိုက်ရ
ပြာဆိုရင် ပြာလိုက်ရနဲ့
တိမ်နီ ၊ တိမ်ဝါ ၊ တိမ်ပြာတွေ သန်းပါလို့ဆိုပြီး
အလွမ်းသီချင်းလေးတောင် အရေးခံလိုက်ရတာ
အဲ့ဒါ တိမ်တွေပေါ့ ကိုယ့်လူ ။

မီးနီရင် ရပ်
မီးစိမ်းရင် မောင်း
လွတ်လပ်တဲ့ ကောင်းကင်ကြီးမှာ
မောင်းချင်တိုင်း မောင်းလို့ မရနဲ့
စိတ်ကို အကြောင်းခံနေရမှန်း မသိရှာ
အဲ့ဒါ တိမ်တွေပေါ့ ကိုယ့်လူ ။

ဘ၀ပါးပါးလေးထဲမှာ
ခြေဖျားလေးထောက်ကြွထောက်ကြွနဲ့
ငါ တိမ်ကွ
ငါတိမ်ကွနဲ့
လက်မလေး တစ်ထောင်ထောင် လုပ်နေတာ
အဲ့ဒါ တိမ်တွေပေါ့ ကိုယ့်လူ ။

ဟော...
တောဆုံးတောင်ဖျား
ခြောက်ချား ဟည်းဆ ပွက်ညံ
တောင်ပံ ရိုက်ခတ်သံတွေ ကြားလိုက်ရတော့
အဲ့ဒီ တိမ်တွေကို သနားလိုက်တာ ကိုယ့်လူ ။

ကွန်ပလိုင်း

** ကျွန်တော်တို့ရောက်ရှိနေတဲ့အရွယ် ** ကြည်ဇော်အေး

ကျွန်တော်တို့ရောက်ရှိနေတဲ့အရွယ်

လေကောင်းလေသန့်နဲ့
နေရောင်ခြည်လုံလုံလောက်လောက်ရရှိရေးဆိုတာတွေအပြင်
အရေးဆိုချင်တာတွေအများအပြားနဲ့အရွယ်
လမ်းပေါ်မှာပျော်တဲ့အရွယ်
အိမ်ပေါ်ကဆင်းတဲ့အရွယ်
ပြဿနာရှာတဲ့အရွယ်
နံရံကို လက်သီးနဲ့ထိုးခဲ့ဖူးတဲ့အရွယ်
အထ္ထုပ္ပတ္တိတွေခါးကြားထိုးခဲ့ဖူးတဲ့အရွယ်
လက်မောင်းမှာ ဆေးမှင်ကြောင်ထိုးချင်တဲ့အရွယ်
သွေးသားဟာ
ဆေးဝါးတွေနဲ့ယဉ်ပါးစပြုတဲ့အရွယ်
မိန်းမတွေနဲ့ ယဉ်ပါးစပြုတဲ့အရွယ်
ရှို့လိုက်ရင် မီးလောင်တဲ့အရွယ်
ကမ္ဘာပါတ်ချင်တဲ့အရွယ်
တိုင်ပါတ်နေတဲ့အရွယ်
မြွေဖမ်းချင်တဲ့အရွယ်
သူများပိုက်ဆံတွေနဲ့ ပတ်သက်ခဲ့ဖူးတဲ့အရွယ်
ကုန်တင်ကုန်ချတွေနဲ့ ပတ်သက်ခဲ့ဖူးတဲ့အရွယ်
ရေနံတွင်းတွေနဲ့ ပတ်သက်ခဲ့ဖူးတဲ့အရွယ်
သံသရာလည်ခြင်းကို
ရထားတစ်စင်းနဲ့ ပမာပြုတာလောက်တော့
ဟားတိုက်ပစ်ခဲ့ဖူးတဲ့အရွယ်
ဘုရားအလောင်းသင်္ဘောသားသင်္ဘောပျက်သလို
လောကကိုလက်ပစ်ကူးနေတဲ့အရွယ်
သွေးရူးသွေးတန်းအရွယ်
ခုကျွန်တော်တို့ ရောက်ရှိနေတဲ့အရွယ်
ခုခင်ဗျားတို့ ရောက်ရှိနေတဲ့အရွယ်။ ။

ကြည်ဇော်အေး
မဟေသီမဂ္ဂဇင်း၊ ၂၀၀၇။

** သိပ်မစဉ်းစားဘူးဆိုရင် ** ကြည်ဇော်အေး

လမ်းပေါ်မှာ ပြေးလွှား
ဘာမဆိုဖြစ်သွားနိုင်တယ်ဆိုတဲ့ ခေတ်ထဲမှာ
နဖူးကချွေး ဘယ်နေရာကျရမှန်းမသိအောင်
အစချီ ညည်းညူတော့မယ် မထင်လေနဲ့
လိုက်လျောညီထွေ အဆင်ပြေပြေ
ပေါ့ပေါ့ပါးပါး ဆိုပါတော့
ဘယ်စာအုပ်မှ ခေါင်းအုံးမထားဘဲ
သက်တောင့်သက်သာ အိပ်ပျော်နည်းစာအုပ်ဖတ်ပြီး
အိပ်မက်လှလှ မက်ပါစေဆိုလည်း
အလိုမပြည့်တာလေးတစ်ခုပါပဲ
ဟိုကွေ့ရောက်ရင် ဟိုတက်နဲ့ လှော်ရအောင်ကလည်း
ဘယ်တက်က ဘယ်နေရာရှိမှန်း မသိတာလေးတစ်ခုပါပဲ
လာမယ်မှန်းမသိ မလာမယ်မှန်းမသိ
တောင်ငေးရင်း မြောက်ငေးရင်း
တောင်မှန်း မြောက်မှန်းမသိ ဖြစ်နေတာလေးတစ်ခုပါပဲ
နှစ်သုံးဆယ်လုံးလုံး နှုတ်ခမ်းကိုချည်း ဖိကိုက်ခဲ့ရတော့
နှုတ်ခမ်းဟာ သွေးသံရဲရဲ ဖြစ်နေတာလေးတစ်ခုပါပဲ
အရည်မရ အဖတ်မရ
လူမုန်းစုန်းစာအဖြစ် အဖတ်တင်ခဲ့တာလေးတစ်ခုပါပဲ
သည်းခံခြင်းဟာ ဘတ်စ်ကားစီးရင်းရခဲ့တာလို့
ပေါ့ပျက်ပျက် သံဝေဂတွေလည်း ပျင်းစရာကောင်းပါတယ်
သီချင်းကျယ်ကျယ်အော်ဆိုရင်း
ကမ္ဘာကြီးကျဉ်းလာတယ်ဆိုတော့
နောက်ထပ်ဟာသတစ်ခု နားထောင်ရသလိုပေါ့လေ
ဒီလိုပဲ သဘောထားပါတယ်
ဒီလိုသဘောထားမျိုးနဲ့ တစ်လမ်းဝင် တစ်လမ်းထွက်
တစ်ခွက်ပြီး တစ်ခွက် ရက်ရက်စက်စက်
ဘာပဲဖြစ်ဖြစ် သိပ်မစဉ်းစားဘူးဆိုရင်ပေါ့လေ
ဘာပဲဖြစ်ဖြစ် လိုက်လျောညီထွေ အဆင်ပြေပြေပါပဲ။ ။


ကြည်ဇော်အေး
ရယ်စရာမဂ္ဂဇင်း၊ နိုဝင်ဘာ၊ ၂၀၀၆

** မိမိကိုယ် မိမိ ခိုးယူခြင်း ** ကေဇော်

(၁)
သံစူးထားတဲ့
၂၅နှစ်သားလေး
ကောင်းကင်နှစ်ထပ်နဲ့ နေတယ် ။

(၂)
သမံတလင်းတွေ ကွဲအက်
တစ်ချက်ချင်း အသက်ရှုသံတွေ
သွန်ပစ်နေတာ
အမေရေ ...
ကျွန်တော်နဲ့ ကျွန်တော်
မိုင်ပေါင်းများစွာ ဝေးကွာရ
ကျွန်တော်နဲ့ ကျွန်တော်
နှစ်ပေါင်းများစွာ ခွဲခွာရ
အိပ်မက်တွေ
တချို့ မွေးကင်းစမှာ သေဆုံး
အားလုံးအတွက်
ကျွန်တော် ကိုယ်လွတ်ရုန်းသွားတာလား ။

(၃)
တစ်ခါမှ
မရောက်ဖူးတဲ့ မနက်ဖြန်
မျက်လုံးထဲက တောင်တွေဆီ
သွားဖို့
အခေါက်ခေါက် အခါခါ အမှောင်များ
ဘယ်လို ခုတ်ထွင်လင်းကျင်းပ
(ရိပ်ခနဲ) မြေကြီးပေါ်မှာ
ငှက်တစ်အုပ်
ကျပ် ကျပ် တည်း တည်း ပျံသန်းသွား။

ကေဇော်
နွေဦး ကဗျာမဂ္ဂဇင်း
အမှတ်(၁)၊ ၁၉၈၈ခုနှစ်၊ ဇွန်လ